केज –केज- अंबाजोगाई महामार्गावरील ढाकेफळ जवळ रस्त्याच्या कडेला शेळ्या चारीत असलेल्या 14 वर्षाच्या लहान मुलाला भरधाव कारने देऊन खड्ड्यात जाऊन पडली. यामध्ये लहान मुलाचा जागीच मृत्यू झाला.
याबाबत अधिक माहिती अशी की, अंबाजोगाईहून केज मार्गे मांजरसुंबाच्या दिशेने जात असलेली भरधाव कार क्र. एम पी- 09/झेड जी- 2837 वरील चालकाचे नियंत्रण सुटले. यावेळी रस्त्याच्या कडेला शेळ्या चारीत असलेला बाळू हरिदास काळे या चौदा वर्षाच्या मुलाला कारने जोराची धडक ही घटना शुक्रवारी दुपारी 3 च्या घडली धडक दिल्यानंतर कार रस्त्याच्या कडेला जाऊन खड्ड्यात पलटी झाली. यामध्ये बाळू काळे या मुलाचा उपचारासाठी बीड कडे घेऊन जात असताना मृत्यू झाला. या कार मधून प्रवास करणारे मध्यप्रदेश मधील इंदौर जिल्ह्यातील जितेंद्र रघुवंशी आणि हरिसिंग रघुवंशी दोघे जखमी झाले. हरिसिंग रघुवंशी यांच्यावर बीड येथे उपचार करण्यात येत असून जितेंद्र रघुवंशी यांच्यावर उपजिल्हा रुग्णालय केज येथे उपचार करण्यात येत आहेत.

बीड — अडचणीच्या काळात उसने घेतलेले पैसे व्याजासह द्यावेत यासाठी चौघांनी एका तरुणाचे अपहरण करून मुलगा जिवंत हवा असेल तर 50 हजार रुपये टाका नाहीतर मुलगा दिसणार नाही अशी धमकी दिली. पोलिसांनी तात्काळ कारवाई करत दोन आरोपींना पकडले आहे ही घटना धारूर तालुक्यात घडली आहे.
धारूर तालुक्यात 10 हजार रुपये उसने घेतले त्याची तब्बल 80 हजार रुपयांची वसुली करत एका तरुणाचे अपहरण केल्याची घटना समोर आली. दरम्यान, आरोपींनी तरुणाच्या आईला फोन करुन धमकी दिल्याचे समोर आले. “मुलगा जिवंत पाहिजे असेल तर 50 हजार पाठवा, नाहीतर तो कधी दिसणार नाही”, अशी धमकी आरोपींनी दिली.

ही घटना गुरुवारी सायंकाळी घडली असून अपहरण झालेल्या तरुणाचे नाव कृष्णा मैंद असे आहे. कृष्णाने काही महिन्यांपूर्वी धनराज चाटे, पृथ्वीराज राग आणि परमेश्वर आघाव यांच्याकडून 10 हजार रुपये उसने घेतले होते. आरोपींनी या रकमेवर दिवसाला 1 हजार रुपयांचे व्याज लावले होते. याच हिशेबाने व्याजाची रक्कम 80 हजारांवर गेली. पैसे मिळवण्यासाठी कृष्णाचे अपहरण करण्यात आले. अपहरण केल्यानंतर आरोपींनी कृष्णाच्या आईला फोन करून 50 हजार रुपयांची मागणी केली. पैसे दिले नाहीतर मुलाला सोडणार नाही, अशी धमकी त्या आरोपींनी आईला फोन करुन दिल्याचे म्हटले आहे. तरुणाच्या आईने या प्रकरणी पोलिसांत तक्रार दिली आहे. या प्रकरणी धारुर पोलिसांनी तपास करत अंबाजोगाई जवळील साकुर येथून दोघांना अटक केली आहे. तर दोघेजण फरार आहेत. कृष्णा मैंद असे अपहरण झालेल्या युवकाचे नाव असून त्याच्यावर सध्या अंबाजोगाईतील स्वामी रामानंद तीर्थ रुग्णालयात उपचार सुरू आहेत.

केज — म्हातारचळ सुटलेल्या 80 वर्षीय डंगराने 70 वर्षाच्या भावजयीचाच विनयभंग केल्याची घटना केज तालुक्यात घडली आहे.
. युसुफवडगाव पोलीस ठाण्याच्या हद्दीत एक 70 वर्षाची वृद्ध महिला शेतात म्हैस चारीत असताना होती.यावेळी 80 वर्ष वय असलेला दीर तेथे आला.त्याने तिच्याशी म्हैस चारण्याच्या कारणावरून भांडण सूरु केले. शिविगाळ केली. तसेच वृद्ध भावजयीला त्याने गुप्तांग दाखवून तिचा विनयभंग केला.या प्रकरणी पीडित महिलेने दिलेल्या तक्रारी वरून 80 वर्षाच्या दिरा विरुद्ध युसुफ वडगाव पोलीस ठाण्यात गु. र. नं. 151/2025 भा. न्या. सं. कलम 74,75,79 अन्वये नुसार गुन्हा दाखल करण्यात आला आहे. सहाय्यक पोलिस निरीक्षक मच्छिंद्रनाथ शेंडगे यांच्या मार्गदर्शनाखाली महिला पोलिस कांगणे या पुढील तपास करीत आहेत.

बीड — शेतातील बांधाच्या
वादावरून मारहाणीचा प्रकार घडला आहे. ‘तुझा संतोष देशमुख करतो’, अशी धमकी देत भररस्त्यात आरोपीने गाडीवरून जाणाऱ्या तरूणावर कोयत्याने सपासप वार केले. शरीरावर 10 हून अधिक गंभीर वार असल्याची माहिती आहे. तरूणाची स्थिती गंभीर असून, त्याच्यावर उपचार सुरू आहेत. सर्वात धक्कादायक बाब म्हणजे इतक्या गंभीर हल्ल्यानंतरही गुन्हा दाखल झाला नाही.

कैलास सांगुळे असं जखमी तरूणाचं नाव आहे. तो बीड तालुक्यातील तांदळवाडी भिल्ल येथील रहिवासी आहे. कैलास गाडी चालवत होता. यादरम्यान, चार जणांनी त्याची वाट अडवली. तसेच कोयत्याने डोक्यावर, मानेवर आणि तोंडावर जबरदस्त हल्ला केला. हल्लेखोरांनी ‘तुझा संतोष देशमुख करतो, याला जीवे मारा’
अशी धमकी देत त्याला मारहाण केली.यानंतर त्याच्या भावाने घटनास्थळी धाव घेत भावाला बीडमधील एका खासगी रुग्णालयात उपचारासाठी दाखल केलं. कैलासवर सध्या रूग्णालयात उपचार सुरू असून, त्याची प्रकृती गंभीर असल्याची माहिती आहे.यानंतर कुटुंबाने पोलिसांवर गंभीर आरोप करीत आक्रोश व्यक्त केला आहे. आरोपी अद्याप मोकाट असून याप्रकरणी बीड ग्रामीण पोलिसांनी गुन्हा दाखल करून घेण्यास टाळाटाळ केल्याचा आरोप केला आहे.माझ्या भावाचं काही बरं वाईट झालं तर याला जबाबदार पोलीस प्रशासन असेल अशी प्रतिक्रिया श्रीरंग सांगूळे यांनी देत प्रशासनाविरोधात तीव्र नाराजी व्यक्त केली.