बीड — कोरोना काळातील ऑक्सीजन प्लांट असो की साहित्य खरेदी घोटाळ्याच्या थोरवीने नावाजलेले डॉ. अशोक थोरात पुन्हा बीडचे जिल्हा शल्य चिकित्सक म्हणून रुजू झाले आहेत.
बीडची महती प्रशासनामध्ये अनन्य साधारण आहे. चांगला अधिकारी बीडला येत नाही. पण बीडमध्ये राहिलेला अधिकारी कधी बीड सोडत नाही हा आजपर्यंतचा इतिहास आहे. याच इतिहासाची पुनरावृत्ती होत असल्याचं पाहायला मिळत आहे. जिल्हा शल्य चिकित्सक अशोक बडे यांची परभणी येथे बदली झाली आहे. डॉ. अशोक थोरात यांची बीड मधून नाशिकच्या सीएस पदी नियुक्ती झाली होती. त्यानंतर त्यांना सहाय्यक संचालक म्हणून नियुक्त करण्यात आले होते. कोरोना काळात जिल्ह्यात उभारण्यात आलेल्या ऑक्सीजन प्लांट मध्ये मोठ्या प्रमाणावर गैरव्यवहार झाले होते. याबरोबरच गर्भपात प्रकरणात दोषी ठरवण्यात आले आहे. डॉ. अशोक थोरात यांच्या भ्रष्टाचाराची थोरवी त्यांच्या गैर हजेरीतही गायली जायची. त्यांच्याकडे आता पुन्हा बीडच्या जिल्हा शल्य चिकित्सक पदाचा कारभार सोपवण्यात आला आहे. सकाळी अकरा वाजता त्यांनी पदभार स्वीकारून रुग्णालयाचा कारभार हाकायला सुरुवात केली आहे.
