बीड — जिल्ह्यात लाचलुचपत प्रतिबंधक विभागाने (ACB) बुधवारी मोठी कारवाई करत भ्रष्टाचाराविरुद्ध जोरदार संदेश दिला. एकाच दिवशी दोन वेगवेगळ्या कारवायांमध्ये तलाठी आणि ग्रामसेवकाला रंगेहाथ अटक करण्यात आली. या कारवाईमुळे महसूल व ग्रामविकास प्रशासनात खळबळ उडाली आहे.
🟠 पहिली कारवाई: केज तालुक्यात तलाठी जाळ्यात
केज तालुक्यातील दहिफळ (वडमाऊली) येथे ग्राम महसूल अधिकारी (तलाठी) परमेश्वर अभिमान जाधव (वय ४७) याला ९ हजार रुपयांची लाच घेताना ACB ने पकडले.
तक्रारदाराच्या वारस नोंदी सातबाऱ्यावर करण्यासाठी जाधवने ३५ हजार रुपयांची मागणी केली होती त्यापैकी ९ हजार रुपये आगाऊ घेताना तो रंगेहाथ सापडला उर्वरित रक्कम काम पूर्ण झाल्यावर घेण्याचे ठरले होते विशेष बाब म्हणजे, जाधव हा माजी सैनिक असून फक्त ६ महिन्यांपूर्वीच सेवेत रुजू झाला होता ही कारवाई उपअधीक्षक सोपान चिट्टमपल्ले यांच्या पथकाने केली
🟠 दुसरी कारवाई: परळी तालुक्यात ग्रामसेवक अटक
परळी तालुक्यातील जिरेवाडी येथे ग्रामसेवक दशरथ देविदासराव गोरे याला ५०० रुपयांची लाच स्वीकारताना पकडण्यात आले. विहीर बांधकामाच्या बिलावर सही करण्यासाठी १,००० रुपयांची मागणी केली होती.पंचायत समिती परिसरात मागणी करुन आपल्या खासगी कार्यालयात ५०० रु लाच स्वीकारली
पोलीस निरीक्षक कवडे आणि त्यांच्या पथकाने कारवाई करत गोरेला पकडले
🚨 प्रशासनाला मोठा धक्का
या दोन कारवायांमुळे जिल्ह्यातील महसूल आणि ग्रामविकास विभागातील भ्रष्टाचार पुन्हा एकदा उघडकीस आला आहे. नागरिकांनी लाचलुचपत विरोधात पुढे येण्याची गरज अधोरेखित झाली आहे
