बीड — सासरच्या मंडळीकडून छळ होत असल्याने या बाबतची तक्रार मुलीने पोलीस ठाण्यात दिली पण मुलगी अल्पवयीन असल्याचे पोलिसांच्या निदर्शनात आल्यानंतर पोलिसांनी पती विरोधात पोक्सो व बालविवाह कायद्यानुसार गुन्हा दाखल केला. सदरील ही घटना बर्दापुर पोलीस ठाण्याच्या हद्दीत घडली आहे.
एका अल्पवयीन मुलीचे सहा महिन्यापुर्वी गोविंद नागनाथ चाटे वय २४ वर्ष रा. खापर टोण ता. अंबाजोगाई यांच्यासोबत झाले होते. लग्नानंतर काही दिवसांनी सासरची मंडळी मुलीचा छळ करू लागले. या छळाची तक्रार मुलीने बर्दापुर पोलीस ठाण्यात दाखल केली. तक्रार दाखल केल्यानंतर सदरील मुलगी ही अल्पवयीन असल्याचे समोर आले आज स्थितीत मुलीचे वय १७ वर्षे ६ महिने आहे. कमी वय असतांना मुलीसोबत लग्न केल्याने तिचा पती गोविंद चाटे याच्या विरोधात पोक्सो आणि बालविवाह कायद्यानुसार गुन्हा दाखल करण्यात आला त्याच बरोबर मुलाच्या आई वडीलांवर देखिल कारवाई करण्यात आली. या तिघांनाही पोलिसांनी अटक केली आहे.
