बीड — शहराच्या मध्यवर्ती ठिकाणी असलेल्या बसस्थानकाच्या पाठीमागील बाजूस 25 वर्षीय तरुणाचा संशयास्पदरीत्या मृतदेह आज सकाळी आढळून आला. घटनेची माहिती मिळताच शिवाजीनगर पोलिसांनी घटनास्थळी धाव घेतली.
गांधीनगर भागात राहणाऱ्या नौशाद नावाचा 25 वर्षीय तरुणाचा संशयास्पदरीत्या मृतदेह आढळून आला. ही घटना बीड बसस्थानकाच्या
पाठीमागून जाणाऱ्या रस्त्यालगत घडली.
मृतदेहाच्या डोक्याला मार लागल्याची खूण नसली तरी नाका कानातून रक्त आल्याने त्याचा खून झाला की आणखी काही हे सांगण अवघड झाल असून घटनेची माहिती मिळताच हे.काॅ.सह शिवाजीनगर पोलिसांनी घटनास्थळी धाव घेतली. पोलिसांनी पंचनामा करून मृतदेह उत्तरीय तपासणीसाठी जिल्हा रुग्णालयात पाठवला आहे. पोस्टमार्टम रिपोर्ट मधूनच मृत्यू नेमका कशामुळे झाला हे स्पष्ट होणार आहे. दरम्यान संशयास्पद रित्या वर्दळीच्या ठिकाणी मृतदेह आढळल्यामुळे खळबळ माजली आहे. पुढील तपास शिवाजीनगर पोलीस करीत आहे.
