बीड –निवडणुकांच्या अनुषंगाने बीड पोलीस दलात फेरबदल केले जाऊ लागले आहेत. चकलांबा पोलीस ठाण्याचे प्रभारी नारायण एकशिंगे यांना बदलण्यात आले असून आष्टी पोलीस ठाण्याचा कारभार शरद भुतेकर यांच्याकडे देण्यात आला आहे.
चकलांबा पोलीस ठाण्याचे वादग्रस्त प्रभारी नारायण एकशिंगे यांना हटवून त्यांच्या जागी जिल्हा विशेष शाखेतून सहाय्यक पोलीस निरीक्षक संदीप पाटील यांना नियुक्त करण्यात आले आहे.नारायण एकशिंगे यांना वाचक उपविभागीय गेवराई येथे हलवण्यात आले आहे.आष्टी पोलीस ठाण्याच्या प्रमुखपदी असलेल्या सोमनाथ जाधव यांची उचलबांगडी करण्यात आली असून त्यांना नियंत्रण कक्षात हलवण्यात आले आहे. त्यांच्या जागी शरद भुतेकर यांची नियुक्ती करण्यात आली आहे.पोलीस अधिक्षक अविनाश बारगळ यांनी हे आदेश काढले.
