नवी दिल्ली — राजधानी दिल्लीतील ऐतिहासिक लाल किल्ला परिसरात उभ्या असलेल्या कार मध्ये झालेल्या भीषण स्फोटाने परिसर हादरला गेला. बाजूला उभ्या असलेल्या सात ते आठ कारला यामुळे आग लागली. त्यामुळे धुराचे लोट सर्वत्र पसरले. ही घटना सायंकाळी 6:45 च्या सुमारास घडली.
या स्फोटामुळे सर्वत्र भीतीचे वातावरण पसरलं आहे. दिल्ली पोलिस आणि दहशतवाद विरोधी पथकाचे अधिकारी घटनास्थळी पोहोचले आहेत.
मिळालेली माहिती अशी, की दिल्लीच्या ऐतिहासिक लाल किल्ल्याजवळ सोमवारी (10 नोव्हेंबर ) संध्याकाळी लाल किल्ला परिसरातील मेट्रोच्या गेट क्रमांक एकवर उभ्या असलेल्या कार मध्ये .
भीषण स्फोट झाला. स्फोटाचा आवाज इतका भीषण होता की जवळपासच्या दुकानांचे दरवाजे आणि खिडक्या फुटल्या आणि परिसरात भीतीचे वातावरण पसरले.
या स्फोटाची तीव्रता एवढी जास्त होती की स्फोटानंतर या पार्किंगमध्ये असलेल्या सात ते आठ गाड्यांनी पेट घेतला, कार जळून खाक झाल्या आहेत. दरम्यान घटनेची माहिती मिळताच दिल्ली पोलीस तातडीनं घटनास्थळी दाखल झाले असून, हा स्फोट नेमका कशामुळे झाला याचा तपास आता पोलिसांकडून सुरू आहे. या घटनेत नऊ जणांचा मृत्यू झाला असून, अनेक जण जखमी झाल्याची माहिती समोर आली आहे.
दिल्ली पोलिस आणि बॉम्ब शोध पथक त्याचबरोबर अग्निशमन दलाचे जवान घटनास्थळी पोहोचले आहेत. तपास सुरू करण्यात आला आहे. गॅस सिलिंडरचा किंवा कारच्या बॅटरीचा स्फोट झाल्याचा प्राथमिक अंदाज वर्तवण्यात आला आहे सध्या स्फोटाचे कारण अस्पष्ट आहे.
