वडवणी — तालुक्यातील कवडगाव येथे बबनराव धुराजी मांजरे यांच्या घरावर काल मंगळवारी 28 ऑक्टोबर रोजी पहाटे अडीच ते तीन वाजण्याच्या सुमारास अज्ञात पाच ते सहा दरोडेखोरांनी दरोडा टाकून चाकूचा धाक दाखवत घरातील नगदी रक्कम व सोन्याच्या दागिने असे ११ लाख २० हजार ८०० रुपयांचा मुद्देमाल चोरून नेल्याची घटना घडली आहे.
कृषी उत्पन्न बाजार समितीचे संचालक बबनराव मांजरे यांच्या कवडगाव येथील घरावर काल दि. २८ ऑक्टोबर मंगळवार रोजी अज्ञात पाच ते सहा दरोडेखोरांनी घरात प्रवेश केला मांजरे यांच्या पत्नीला उठवून चाकूचा धाक दाखवत तु येथेच थांब असे म्हणूनच आमच्या घरातील ईतर दरवाज्याना बाहेरून कडी लावून परत माझ्या पत्नीच्या रूम मध्ये येऊन माझ्या पत्नीला म्हणाले की, पैसे व सोने कोठे ठेवले आहेत तेव्हा माझी पत्नी म्हणाली की, कपाटाची चावी माझ्या कडे नाही.अस म्हणताच त्यांनी लोखंडाच्या गजाने कपाटाचे लॉक तोडले व त्यातील रोख रक्कम चाळीस हजार रुपये काढून घेतले व बाजुला असलेल्या लोखंडी पेटी मध्ये कपडे व स्टिल डबा यामध्ये मुलांचे लग्नासाठी ठेवलेले एक लाख रुपयांचे सोने व १५ हजार रुपये तसेच इतर रोख रक्कम व सोन्याचे दागिने असे एकुण सोने ८३हजाय ८००रूपये रोख रक्कम २ लाख९०हजार रुपये असा एकूण ११लाख२०हजार ८०० रुपयाचा मुद्देमाल चोरून नेला अशा आशयाची बबन मांजरे यांनी वडवणी पोलीस स्टेशनला दिलेले फिर्यादीवरून अज्ञात पाच ते सहा दरोडेखोऱ्याविरुद्ध दरोड्याचा गुन्हा दाखल झाला आहे. या प्रकरणाचा पुढील तपास सपोनि वर्षा व्हगाडे मॅडम या करत आहेत. दरम्यान या घटनेमुळे जनतेमध्ये भीतीचे वातावरण निर्माण झाले आहे.
कवडगावात सशस्त्र दरोडा; अकरा लाखाचा मुद्देमाल चोरला
