बीड — बीड बायपास जवळील शेतात ऑनलाईन सट्टा खेळणाऱ्या सात जनांना स्थानिक गुन्हे शाखेने पकडून त्यांच्याकडून पाच लाख 26 हजार रुपयांचा मुद्देमाल जप्त करण्यात आला आहे.
स्थानिक गुन्हे शाखेच्या पथकाला गुप्त माहिती मिळाली की, धुळे सोलापूर राष्ट्रीय महामार्गावरील बीड बायपास जवळील घाटे यांच्या शेतातील उघड्या पत्र्याच्या शेडमध्ये ऑनलाइन जुगार खेळला जात आहे. या माहिती आधारे स्थानिक गुन्हे शाखेचे गोविंद राख, मनोज परजणे, राहुल शिंदे, अश्फाक व चालक वडमारे यांनी 27 जानेवारी रोजी रात्री नऊच्या सुमारास छापा मारला.या ठिकाणी वैभव आण्णासाहेब आमटे वय 21 वर्षे रा. खांडे पारगाव ता. जि.बीड व अभिषेक भारत आमटे वय 23 वर्षे रा. खांडे पारगाव ता.जि.बीड यांच्यासह इतर सात जणांनी मिळून त्यांच्या सर्वाच्या आर्थिक फायद्याकरीता लोकांना जास्त पैसे मिळवुन देण्याचे अमिष दाखवुन विनापरवाना बेकायेदशिररित्या लोटस् 365 अँपमध्ये विविध खेळावर ऑनलाईन पैसे ट्रान्सफर करून घेवुन जुगार खेळत व खेळवित असतांना आढळून आले. यावेळी आरोपींकडून लॅपटॉप, टॅब, मोबाईल फोन असा एकुन 5 लाख26 हजार रूपयांचा मुद्देमालासह मिळुन आला. याप्रकरणी बीड ग्रामीण पोलीस ठाण्यात गुन्हा नोंद करण्यात आला आहे. ही कारवाई पोलीस अधीक्षक नवनीत काँवत,अप्पर पोलीस अधीक्षक सचिन पांडकर पोनि शिवाजी बंटेवाड यांच्या मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केली आहे.
