Physical Address
304 North Cardinal St.
Dorchester Center, MA 02124
बीड — विश्वरत्न महामानव डॉ. बाबासाहेब आंबेडकर जयंती निमित्त बीड जिल्ह्यात मोठ्या उत्साहात मिरवणुका काढण्यात आल्या. मात्र या उत्सवात डीजे वापरावर घालण्यात आलेल्या नियमांचे उल्लंघन झाल्यामुळे पोलिसांनी कडक कारवाई करत एकूण 27 ठिकाणी गुन्हे दाखल केले आहेत.
जिल्हा पोलीस अधिक्षक नवनीत कॉवत यांनी जयंतीपूर्वीच नागरिकांना डीजे टाळून पारंपरिक वाद्यांना प्राधान्य देण्याचे आवाहन केले होते. तरीही अनेक ठिकाणी या सूचनांकडे दुर्लक्ष झाल्याचे दिसून आले.
कुठे किती गुन्हे दाखल?
परळी (संभाजीनगर पोलीस ठाणे) – 12 (11 डीजे + 1 मारामारी)
माजलगाव – 6
पेठ बीड – 3
बीड शहर – 1
गेवराई – 1
तलवाडा – 1
अंबाजोगाई शहर – 1
परळी शहर – 2
एकूण: 27 गुन्हे नोंद
नियमांचे उल्लंघन, पोलिस अॅक्शन मोड मध्ये
सायंकाळनंतर काढण्यात आलेल्या मिरवणुकांमध्ये अनेक ठिकाणी डीजेच्या मोठ्या आवाजात नृत्य आणि गर्दी दिसून आली. न्यायालय व पोलिसांनी घालून दिलेल्या ध्वनीप्रदूषण नियमांचे उल्लंघन झाल्याने पोलिसांनी तात्काळ कारवाई सुरू केली.
सध्या देखील काही ठिकाणी चौकशी व पुढील कारवाया सुरू असल्याची माहिती पोलिसांकडून देण्यात आली आहे.
