Physical Address
304 North Cardinal St.
Dorchester Center, MA 02124
बीड — जिल्ह्यात अवैध गुटखा विक्री, साठवणूक आणि वाहतुकीविरोधात स्थानिक गुन्हे शाखेने (LCB) विशेष मोहीम राबवत मोठी कारवाई केली आहे. 31 मे 2026 रोजी जिल्ह्यातील तीन वेगवेगळ्या ठिकाणी छापे टाकून पोलिसांनी तब्बल 12 लाख 13 हजार 800 रुपयांचा अवैध गुटखा व वाहने जप्त केली. या प्रकरणी संबंधित पोलीस ठाण्यांमध्ये गुन्हे दाखल करण्यात आले आहेत.
स्थानिक गुन्हे शाखेने विशेष पथके तयार करून बीड शहर, युसूफ वडगाव आणि सिरसाळा पोलीस ठाण्यांच्या हद्दीत गुप्त माहितीच्या आधारे ही कारवाई केली.
बीड शहरात 2.21 लाखांचा गुटखा जप्त
बीड शहर पोलीस ठाण्याच्या हद्दीतील बसस्थानकासमोर एका व्यक्तीकडे विक्रीसाठी ठेवलेला अवैध गुटखा आढळून आला. पोलिसांनी त्याच्याकडून 2 लाख 21 हजार रुपयांचा गुटखा जप्त केला.
युसूफ वडगावमध्ये स्वीफ्ट कारसह मुद्देमाल ताब्यात
युसूफ वडगाव पोलीस ठाण्याच्या हद्दीत एका व्यक्तीकडून स्वीफ्ट कारमधून अवैध गुटखा वाहतूक केली जात असल्याची माहिती मिळाली. कारवाईदरम्यान पोलिसांनी गुटखा आणि स्वीफ्ट कारसह एकूण 4 लाख 50 हजार रुपयांचा मुद्देमाल जप्त केला.
सिरसाळा हद्दीत टेम्पोसह 5.42 लाखांचा माल पकडला
सिरसाळा पोलीस ठाण्याच्या हद्दीतील मौजे पोहनेर येथे एका व्यक्तीच्या अँटोरिक्षा/टेम्पोमध्ये मोठ्या प्रमाणात गुटखा भरून विक्रीसाठी नेला जात असल्याचे समोर आले. पोलिसांनी 5 लाख 42 हजार 800 रुपयांचा गुटखा व वाहन जप्त केले.
एकूण 12.13 लाखांचा मुद्देमाल जप्त
तीन स्वतंत्र कारवायांमध्ये पोलिसांनी 12 लाख 13 हजार 800 रुपयांचा अवैध गुटखा आणि वाहने जप्त केली असून संबंधितांविरोधात कायदेशीर कारवाई सुरू करण्यात आली आहे.
वरिष्ठ अधिकाऱ्यांच्या मार्गदर्शनाखाली कारवाई
ही कारवाई पोलीस अधीक्षक श्रीमती चेतना तिडके, अप्पर पोलीस अधीक्षक, बीड आणि स्थानिक गुन्हे शाखेचे पोलीस निरीक्षक शिवाजी बंटेवाड यांच्या मार्गदर्शनाखाली करण्यात आली.
या मोहिमेत पोउपनि श्रीराम खटावकर, महेश विघ्ने, सुशांत सुतळे तसेच राहुल शिंदे, विकास राठोड,अशोक दुबाले,अर्जुन यादव,महेश जोगदंड, राजु पठाण, दिलीप गिते, बप्पा घोडके, रामचंद्र केकान, गोविंद भताने, सचिन आंधळे, मनोज परजणे,अश्फाक सय्यद, नितीन वडमारे, गणेश मराडे, यांनी सहभाग घेतला.
