Beed AHTU Action: 3 वर्षांपासून फरार टोळीचा धक्कादायक पर्दाफाश

Beed AHTU Action – बीडच्या अनैतिक मानवी वाहतूक प्रतिबंध कक्षाने (AHTU) मोठी कारवाई केली आहे.

बीड – अनैतिक मानवी वाहतूक प्रतिबंध कक्षाने (AHTU) बीडमध्ये मोठी कारवाई केली आहे. 2021 पासून प्रलंबित असलेल्या अल्पवयीन मुलीच्या अपहरण आणि विक्री प्रकरणातील मुख्य टोळीला AHTU पथकाने गोविंदवाडी, ता. गेवराई येथून ताब्यात घेतले आहे.

तीन वर्षांपासून तपास सुरू होता

शिवाजीनगर पोलीस ठाणे येथे गु.र.नं. 455/2021 कलम 363 अन्वये गुन्हा दाखल होता. 13 वर्षीय पीडित मुलीचा शोध लागत नव्हता. अनेक अधिकाऱ्यांनी तपास करूनही फाईल बंद होत होती. अखेर सहाय्यक पोलीस निरीक्षक जनाबाई सांगळे यांनी फाईलचा मुळापासून तपास सुरू केला.

गोपनीय बातमीदाराने दिली माहिती

Beed AHTU Action :मुलीची विक्री झाल्याचा संशय आल्याने AHTU ने गोपनीय बातमीदार सक्रिय केले. गोविंदवाडी, ता. गेवराई, जि. बीड येथे आरोपी आणि पीडित वास्तव्यास असल्याची खात्रीशीर माहिती मिळाली. त्यानुसार दिनांक 17/10/2026 रोजी सापळा रचून दोघांना ताब्यात घेण्यात आले.

जबाबातून धक्कादायक माहिती उघड

पीडित मुलीने महिला अधिकाऱ्यासमोर दिलेल्या जबाबात सांगितले की, एका महिलेने तिचे अपहरण करून मुंबईत 5 लाख रुपयांना विकण्याचा व्यवहार ठरवला होता. तो रद्द झाल्यावर छत्रपती संभाजीनगर येथील महिलेने तिला गोविंदवाडी येथील युवकाला 1 लाख रुपयांत विकले. तसेच पैठण येथील मठात तिचा बालविवाह लावून दिल्याचे समोर आले आहे.

Beed AHTU Action: या प्रकरणात 2 महिला आणि 2 पुरुष अशा 4 आरोपींना ताब्यात घेण्यात आले आहे. पुढील तपास पोलीस करत आहेत.

कारवाई करणारे पथक: पोलीस अधीक्षक नवनीत कावत, अपर पोलीस अधीक्षक समीर शेख यांच्या मार्गदर्शनाखाली सहाय्यक पोलीस निरीक्षक जनाबाई सांगळे, सहायक उपनिरीक्षक उषा चौरे, पो.ह. प्रदीप येवले, अशोक शिंदे, पो.शि. भाऊसाहेब कारले, संदीप गर्जे सर्व नेमणूक AHTU बीड.

बीड जिल्ह्यात AHTU पथकाने यापूर्वीही अनेक मानवी तस्करीचे गुन्हे उघडकीस आणले आहेत. पोलीस अधीक्षक नवनीत कावत यांनी अशा गुन्ह्यांवर कठोर कारवाई करण्याचे आदेश दिले आहेत.

या कारवाईमुळे बीड जिल्ह्यातील अवैध मानवी वाहतूक करणाऱ्या टोळ्यांचे धाबे दणाणले आहे. पुढील तपास शिवाजीनगर पोलीस करत आहेत.

Tags: Beed Crime, AHTU Beed, Human Trafficking