सिमेंट ट्रकच्या टायर खाली येऊन पोलिसाचा मृत्यू

बीड — सिमेंट घेऊन जाणार्‍या ट्रकच्या पाठीमागील टायरच्या खाली आल्याने दुचाकीस्वार पोलीस कर्मचार्‍याचा जागीच मृत्यु झाल्याची घटना शनिवारी दुपारी 12 च्या सुमारास शहरातील अंबिका चौकात पांगरी रोडवर घडली.

सुनील सुंदरराव घोळवे हे शिवाजीनगर पोलीस ठाण्यात कर्तव्यावर होते. आज दुपारी 12 च्या सुमारास ट्रक क्रमांक एम. एच. 44 यू. 9871 सिमेंट
घेऊन अंबिका चौकातून पांगरी रोड कडे चालला होता. यावेळी पोलीस कर्मचारी दुचाकी क्रमांक एम. एच. 44 ए ए 9076 वरून जात होते. यावेळी ट्रक जवळून जाताना अचानक ते दुचाकीवरुन पडले अन् ते ट्रकच्या पाठीमागील चाका खाली आले.यात पोलीस कर्मचारी सुनील घोळवे यांचा जागीच मृत्यु झाला. घटना घडताच पोलीस उपाधीक्षक विश्‍वांभर गोल्डे यांच्यासह पोलीस अधिकारी आणि कर्मचार्‍यांनी धाव घेतली. घटनास्थळाचा पंचनामा केला. अपघात घडताच ट्रक चालक घटनास्थळावरुन फरार झाला. या घटनेने सर्वत्र हळहळ व्यक्त केली जात आहे.