बीड — संतोष देशमुख हत्या प्रकरणात तपास करण्यासाठी स्थापन करण्यात आलेल्या एसआयटीमध्ये आता बदल करण्यात आला आहे. एसआयटीमधील काही अधिकाऱ्यांवर आक्षेप घेतले गेल्यानंतर राज्याच्या गृह विभागाने एसआयटी मध्ये बदल केला आहे. आता सीआयडीच्या अप्पर पोलीस अधिक्षक किरण पाटील या एसआयटीचे प्रमुख असणार आहेत. नव्याने स्थापन करण्यात आलेल्या एसआयटीमध्ये अप्पर पोलीस अधिक्षक किरण पाटील यांच्यासोबत सीआयडीचे पोलीस उपअधिक्षक अनिल गुजर, सीआयडीचे पोलीस निरीक्षक सुभाष मुठे, सीआयडीच्या भराभरी पथकाचे पोलीस निरीक्षक अक्षयकुमार ठिकणे, सीआयडीच्या भरारी पथकातील हवालदार शर्मिला साळुंके आणि दिपाली पवार यांचा समावेश केलेला आहे.
