बालरोग तज्ञ परिचारिका’ अभ्यासक्रमाला जे.जे.हॉस्पिटलनंतर बीड जिल्हा रुग्णालयात मान्यता

आ.संदीप क्षीरसागरांनी मानले शासनाचे आभार

बीड — महाराष्ट्रात वैद्यकीय शिक्षण विभागांतर्गत २० विद्यार्थी प्रवेश क्षमता असेलला केवळ जे.जे.रुग्णायालय मुंबई येथे उपलब्ध असलेला नर्सिंग क्षेत्रातील ‘पोस्ट बेसिक डिप्लोमा इन पेडियाट्रिक नर्सिंग’ आ.संदीप क्षीरसागर यांच्या पाठपुराव्यामुळे ३० विद्यार्थी प्रवेश क्षमतेचा अभ्यासक्रम आता बीड जिल्हा रुग्णायालात उपलब्ध होणार आहे. बीड जिल्हा रुग्णालयातील परिचर्या प्रशिक्षण केंद्रात हा अभ्यासक्रम सुरु करण्यासाठी शासनाकडून मान्यता मिळाली आहे. त्यामुळे माता व नवजात बालक यांच्या आरोग्यसेवेत महत्वाची भूमिका बजावणाऱ्या बालरोगतज्ञ परिचारिका मुंबईनंतर आता मुंबईपेक्षा जास्त संख्येने बीडमधून घडणार आहेत. त्यामुळे आ.संदीप क्षीरसागर यांनी पालकमंत्री, आरोग्यमंत्री व महाराष्ट्र शासनाचे आभार मानले आहेत.
केंद्र शासन व राज्य शासन यांच्याकडून कुटुंब कल्याण कार्यक्रमांतर्गत माता व बाळ मृत्यू दार कमी करण्यासाठी तसेच नवजात बालक व माता यांचे आरोग्यमान उंचावण्यासाठी समुपदेशन, उपचार व प्रशिक्षण यांच्या माध्यमातून प्रशिक्षित अधिपरिचारिकांकडून आरोग्य सेवा पुरविण्यात येतात. सध्या महाराष्ट्र राज्यात वैद्यकीय शिक्षण विभागांतर्गत २० विध्यार्थी क्षमता असलेला ‘पोस्ट बेसिक डिप्लोमा इन पेडियाट्रिक नर्सिंग’ हा अभ्यासक्रम केवळ मुंबई येथील जे.जे.रुग्णालय येथील परिचर्या प्रक्षिशण केंद्रात उपलब्ध होता. त्यानंतर आता जे.जे.रुग्णायलय येथील प्रशिक्षण केंद्रापेक्षा जास्त विद्यार्थी प्रवेश क्षमतेने या अभ्यासक्रमाला बीड जिल्हा रुग्णालयाच्या परिचर्या प्रशिक्षण केंद्रात सुरू करण्यासाठी मान्यता मिळाली आहे. महाराष्ट्रात मुंबई नंतर बीड मध्ये बालरोगतज्ञ असलेल्या अधीपरिचारिका घडणार हि नक्कीच बीड जिल्ह्यासाठी भूषणावह बाब आहे. दरम्यान हा अभ्यासक्रम १ वर्ष कालावधीचा असून ३० विद्यार्थी प्रतिवर्षी येथे प्रवेश घेऊ शकतील. तसेच या अभ्यासक्रमासाठी प्रवेश घेण्याकरिता जीएनएम किंवा बीएस्सी नर्सिग उत्तीर्ण नोंदणीकृत अधिपरिचारिक असणे आवश्यक आहे. याबाबत दि.२७ फेब्रुवारी २०२५ रोजी महाराष्ट्र शासनाच्या सार्वजनिक आरोग्य विभागाकडून शासन निर्णय क्रमांक २०२५०२२७१४४४४१३३१७ द्वारे अधिसूचित करण्यात आले आहे. बालरोग तज्ञ अधिपरिचारिका अभ्यासक्रमाला बीड जिल्हा रुग्णालयातील परिचर्या प्रशिक्षण केंद्रात मान्यता मिळावी यासाठी आ.संदीप क्षीरसागर यांनी शासनाकडे सातत्यपूर्ण पाठपुरावा केला होता. त्याला आता अखेर यश आले आहे. बीड मतदार संघाच्या वतीने आ.संदीप क्षीरसागर यांनी पालकमंत्री ना.अजित दादा पवार, आरोग्यमंत्री प्रकाशराव आबिटकर यांचे व महाराष्ट्र शासनाचे आभार मानले आहेत.