टिप्परने उडवल्याने महिलेचा जागीच मृत्यू

बीड — मोटार सायकल वर मांजरसुंबा कडे जाणाऱ्या दुचाकी स्वाराला टिप्परने धडक दिल्यामुळे महिलेचा जागीच मृत्यू झाला तर मोटर सायकल स्वार जखमी झाला आहे. ही घटना बार्शी नाका बायपास चौकात घडली.

मांजरसुंबाकडे मोटार सायकल क्र. एम एच 23 ए एच 8435 ने जात असणाऱ्या दोघांना जगदंबा स्टोन क्रेशर चे टिप्पर क्र. एम.एच.23-एयू-4670 ने जोराची धडक दिल्याची घटना दुपारी बायपास रोडवर घडली यामध्ये सदरील महिलेचा जागीच मृत्यू झाला अन्य एक जखमी झाला असून टिप्पर सोडून चालक फरार झाला. अपघात झाला त्यावेळी लोकांनी एकच गर्दी गेली होती.सदरील महिलेचा मृतदेह जिल्हा रूग्णालयात आणण्यात आला असून जखमीवर रूग्णालयात उपचार करण्यात येत आहेत.