केज मध्ये अल्पवयीन मुलीचे अपहरण; कॉफी शॉप मध्ये नेऊन केला अत्याचार

केज — केज मध्ये गुन्हेगारीचा आलेख वाढताना दिसून येत आहे. दररोज घडणाऱ्या घटनांनी खळबळ माजल्याचे चित्र पाहायला मिळत आहे. दरम्यान केज मध्ये तरुणाने 14 वर्षीय अल्पवयीन मुलीचे अपहरण करून तिला कॉफी शॉप मध्ये घेऊन गेला. या ठिकाणी तिच्यावर बलात्कार केल्याची दुर्दैवी घटना केज शहरात घडली आहे.
याबाबत मिळालेल्या माहितीनुसार तरुणाने २० नोव्हेंबर रोजी मध्यरात्री एका चौदा वर्षीय मुलीचे अपहरण केले. यानंतर शहरातील एका कॉफी शॉपमध्ये घेवून जात तिच्यावर अत्याचार केले.
दरम्यान, हा प्रकार कुटूंबीयांना समाजताच त्यांनी तातडीने केज पोलीस ठाण्यात धाव घेवून घडलेला प्रकार सांगितला. केज पोलिसात दिलेल्या तक्रारीवरून पोलिसांनी तरुणाविरोधात गुन्हा दाखल केला आहे. दरम्यान या घटनेनंतर आरोपी फरार झाला असून पोलीस त्याचा शोध घेत आहे. तसेच या प्रकरणाचा आधीक तपास केज पोलीस करत आहे. मात्र या घटनेनंतर पोलिसांनी केज शहरातील कॉफी शॉपवर कारवाईचे सत्र सुरु केले आहे.