Physical Address
304 North Cardinal St.
Dorchester Center, MA 02124
नवजात लाडक्या लेकींचा असाही सन्मान
गेवराई — जयभवानी सहकारी साखर कारखान्याचे चेअरमन अमरसिंह पंडित यांच्या वाढदिवसाच्या निमित्ताने ३१ मे रोजी उपजिल्हा रुग्णालय, गेवराई येथे जन्म घेणाऱ्या मुलींच्या भवितव्यासाठी पाच हजार रुपयांचे फिक्सडिपॉझिट करण्यात येणार असून वाढदिवसाच्या निमित्ताने गेल्या तीन वर्षांपासून नवजात लाडक्या लेकींचा असाही सन्मान करण्याचे स्तुत्य काम राष्ट्रवादी सोशल मिडीयाचे तालुकाध्यक्ष संदिप मडके आणि र.भ. अट्टल महाविद्यालय विकास समितीचे सदस्य दत्ताभाऊ पिसाळ करत असून याचे सर्व स्तरातून कौतुक केले जात आहे.
जयभवानी सहकारी साखर कारखान्याचे अध्यक्ष तथा माजी आमदार अमरसिंह पंडित यांच्या वाढदिवसाच्या निमित्ताने गेवराई तालुक्यात विविध उपक्रमांचे आयोजन करण्यात येत असून राष्ट्रवादी सोशल मिडीयाचे तालुकाध्यक्ष संदिप मडके आणि र.भ. अट्टल महाविद्यालय विकास समितीचे सदस्य दत्ताभाऊ पिसाळ यांच्यावतीने बुधवार, ३१ मे रोजी उपजिल्हा रुग्णालय, गेवराई येथे जन्मलेल्या मुलींच्या आईच्या नावे पाच हजार रुपये शिवशारदा मल्टीस्टेट, गेवराई येथे फिक्स डिपॉझिट करण्यात येणार आहे. शुक्रवार, ३० मे रात्रौ १२ वाजल्यापासुन ते शनिवार, ३१ मे रात्रौ १२ वाजेपर्यंत या कालावधीत जन्मलेल्या मुलींच्या आईच्या नावाने पाच हजार रुपयांची मुदत ठेव विस वर्षाच्या मुदती करता ठेवण्यात येणार आहे. गेल्या तीन वर्षांपासून त्यांनी हा उपक्रम राबविला असून हे चौथे वर्ष आहे.आतापर्यंत ३७ महिलांना यांचा लाभ देण्यात आला आहे.
उपजिल्हा रुग्णालयाचे अधिक्षक यांना तसे लेखी कळविण्यात आले असुन उपजिल्हा रुग्णालयातील प्रमाणपत्राच्या आधारे फिक्स डिपॉझिटची पावती संबंधितांना दिली जाणार आहे. स्त्रीभ्रूण हत्या आणि कमी झालेला मुलींचा जन्मदर या बाबी लक्षात घेता या उपक्रमाला महत्व प्राप्त झाले आहे. नेत्याचा वाढदिवस सामाजिक उपक्रमातुन साजरा करत त्यांना जन्मदिनाच्या शुभेच्छा देण्यात असल्याची माहिती संदिप मडके आणि दत्ता पिसाळ यांनी दिली.
