बीड — शिक्षक भरती घोटाळ्यात अडकलेल्या शिक्षणाधिकारी भगवान फुलारीने एसीबी ट्रॅप मध्ये अडकलेल्या लक्ष्मण बेडसकर वर प्रभारी गटशिक्षणाधिकारी पदाची जबाबदारी दिली. याला विरोधही झाला मात्र भ्रष्टाचाराचा किडा चावलेल्या फुलारीने याकडे लक्ष दिले नाही.परिणामी लिंग पिसाट लक्ष्मण बेडसकरने अल्पवयीन मुलीवर अत्याचार करण्याचा प्रयत्न केल्याचा प्रकार उघडकीस आल्याने खळबळ माजली आहे.
शालार्थ आयडी घोटाळा प्रकरणी गेल्या काही महिन्यापासून बीडचा शिक्षण विभाग चर्चेत आहे. कोट्यावधी रुपयांचा घोटाळा करून भगवान फुलारी नावाच्या शिक्षणाधिकाऱ्याची शेण खाण्याची हाव संपत नसल्याने पुन्हा पुन्हा शिक्षण विभाग चर्चेला येत आहे. मुख्याध्यापकाकडून लाच स्वीकारताना लाच लुचपत प्रतिबंधक विभागाने पकडलेला लक्ष्मण बेडसकर याच्यावर फुलारीने केजच्या गटशिक्षणाधिकारी पदाची जबाबदारी सोपवली. या विरोधात अनेक वेळा तक्रारी करण्यात आल्या. पण मिंधेपणा असलेल्या भगवान फुलारी ने याकडे दुर्लक्ष केले. शेवटी व्हायचे तेच झाले.
भगवान फुलारीचा लाडका असलेला लक्ष्मण बेडसकर अल्पवयीन मुलीवर लैंगिक अत्याचार करण्याच्या प्रकरणात अडकला. याबाबत मिळालेली माहिती धक्कादायक व शिक्षण क्षेत्राला काळीमा फासणारी आहे. गुरुवारी 18 सप्टेंबरला साडे आठ वाजण्याच्या सुमारास पीडित मुलगी आपल्या नातेवाईकांसोबत रस्त्याने पायी जात होती. यावेळी लक्ष्मण बेडसकर आपल्या कारने तिथे आला आणि मुलीसह तिच्या नातेवाईकांना चहा-पाणी करण्याच्या निमित्ताने कारमध्ये बसवून कोल्हेवाडीकडे नेले. कोल्हेवाडी शिवारातील निर्जन ठिकाणी गाडी थांबवून त्याने मुलीवर अत्याचार करण्याचा प्रयत्न केला.पीडित मुलगी आणि तिच्या सोबत असलेल्या महिलेने आरडाओरड केल्यानंतर लक्ष्मण बेडसकरने दोघींना जीवे मारण्याची धमकी दिली. परंतु, त्या वेळी पाठीमागून एक वाहन येताच आरोपीने कार व मोबाईल त्या ठिकाणी सोडून पळ काढला, असे पीडिताने फिर्यादीत सांगितले. घटनेनंतर पीडित मुलीच्या नातेवाईकांनी पोलिस अधीक्षक बीड यांची भेट घेऊन प्रकरणाची माहिती दिली. पोलीस अधीक्षकांनी याची तात्काळ दखल घेत गून्हा दाखल करण्याचे आदेश दिले
पोलीस निरीक्षक स्वप्नील उनवणे यांच्या मार्गदर्शनाखाली पिंक पथकाचे प्रमुख पोलीस उपनिरीक्षक प्रकाश शेळके पुढील करत आहेत.
दरम्यान लक्ष्मण बेडसकर याने केलेल्या कृत्याप्रकरणी पिडित विद्यार्थीनीच्या फिर्यादीवरून बेडसकर विरुध्द कलम ७४,७५ (१), ७५ (२), ३५१ (२) बीएनएससह कलम बालकांचे लैगिंक अपराधापासून संरक्षण अधिनियम २०१२ चे कलम ८ आणि १२ प्रमाणे गुन्हा दाखल झाला आहे. बेडसकर घटनास्थळावरून पळून गेल्याचे सांगण्यात आले असले तरी नंतर तो केज पोलिस ठाण्यात आला होता. मात्र पोलिसांनी तेथून जायला सांगितले. असा आरोप केज पोलिसांवर देखील होऊ लागला आहे
भ्रष्ट फुलारीचा लाडका गटशिक्षणाधिकारी बेडसकर लिंग पिसाट निघाला अन् पाॅक्सोत अडकला
