जि.प. तांदळवाडी घाट व तांदळेश्वर विद्यालयांमध्ये अवतरली पंढरी

चौसाळा — आषाढी एकादशीनिमित्त जिल्हा परिषद प्राथमिक शाळा तांदळवाडी घाट व तांदळेश्वर विद्यालय यांच्या संयुक्त विद्यमाने गावातून दिंडी काढण्यात आली.

जिल्हा परिषद तांदळवाडी घाटच्या विद्यार्थ्यांनी साकारलेली विठ्ठल रुक्मिणीची भूमिका खास आकर्षण ठरली व प्रत्येक दारात या विठू रुखमायीची पूजा करण्यात आली,व ग्रामस्थांनी या दिंडीचे स्वागत आपल्या दारात सडा रांगोळी ने केले,पालखी मध्ये विठ्ठल रुखमाई ची मूर्ती, विद्यार्थ्यांची वारकऱ्यांची वेशभूषा यामुळे गावात भक्तिमय वातावरण निर्माण झाले.

गावकऱ्यांनी महिला भगिनींनी मोठ्या उल्हासात दिंडीमध्ये सहभाग घेत फुगडी, गवळण,अभंग,भजन करत यामध्ये मंत्रमुग्ध झाले..दिंडीची सांगता विठ्ठल मंदिरात झाली.. दिंडी साठी विशेष सहकार्य शाळा व्यवस्थापन समिती चे अध्यक्ष श्री.प्रशांत खोसे यांचे लाभले, तसेच सर्व विद्यार्थ्यांना महाप्रसादाची व्यवस्था शिक्षण प्रेमी श्री.अनिल विक्रम खोसे ,श्री.समाधान भैरू खोसे,श्री.शहादेव लक्ष्मण खोसे, यांच्यातर्फे करण्यात आली.. याप्रसंगी श्री.गोरख जगताप,श्री.आनंद खोसे व प्रचंड संख्येने ग्रामस्थ व महिला भगिनीनी हिरीरीने सहभाग नोंदवला..
तांदळेश्वर विद्यालयाचे मुख्याध्यापक श्री.श्यामजी डाके सर व जि.प.प्रा.शाळा,तांदळवाडी घाट शाळेचे मुख्याध्यापक श्री.लक्ष्मण क्षीरसागर सर यांनी सर्वांचे आभार मानले..