धारूर तालुक्यातील पिंपरवाडा येथे अफूच्या शेतात पोलिसांचा छापा

धारूर –तालुक्यात अफूची शेती होत असल्याची माहिती मिळाल्यावरून तीन अधिकाऱ्यांसह 12 पोलीस कर्मचारी पिंपरवाडा शिवरात कारवाई करत रामहरी तिडके नावाच्या शेतकऱ्याचे शेतात तीन गुंठे अफूची शेती केली जात असल्याचे निदर्शनास आले.

याबाबत स्थानिक गुन्हे शाखेला गुप्त माहिती मिळाल्यावरुन पथकाने तीन अधिकाऱ्यांसह 12 पोलीस कर्मचारी घेऊन दुपारी बारा वाजल्यापासून या ठिकाणी कार्यवाही सुरू केलेली आहे. सायंकाळी सहा वाजता त्या तीन गुंठे शेतीतील अफू उपटून घेण्यास सुरुवात केली आहे.

अफू उपटून घेतल्यानंतर त्याचं जे वजन एकत्रित होणार आहे, त्यानुसार किती लाखाचा मुद्देमाल पकडला याबाबत पोलिसांकडून सविस्तर माहिती दिली जाईल असं सांगण्यात येत आहे. तत्पूर्वी धारूर तालुक्यात अफूची शेती आढळून आल्याने एकच खळबळ उडाली आहे. केज तालुक्यातील कळंब आंबा येथील शेतकऱ्यांने कांद्याच्या पिकात अफूची लागवड केल्याची घटना 25 फेब्रुवारी रोजी उघडकीस आली होती.दहा वर्षांपूर्वी परळी तालुक्यातील काही गावांमध्ये तसेच धारूर तालुक्यातील कानपूर येथे अफूची शेती पिकवण्याचा प्रकार आढळून आला होता. या अफूच्या माध्यमातून नशेखोरांना नशा करण्यास अफूचा उपयोग होतो आणि त्यासाठीच नशेखोर अफूचा उपयोग करून घेतात.रामहरी तिडके यांनी शेततळे खोदून त्याच्याद्वारे अफूला पाणीपुरवठा करत अतिशय दुर्गम भागात जिथे सहज जाणं शक्य नाही अशा ठिकाणी अफूची शेती पिकवली आहे. अफू पिकवणे कायद्याने निर्बंध घातलेले असताना रामहरी कारभारी तिडके या शेतकऱ्याने अफूची शेती होत असल्याचे उघडकिस आल्यानंतर खळबळ माजली आहे.