बीड — संतोष देशमुख यांची हत्या करणाऱ्या वाल्मीक कराड गॅंगवर मकोका लावल्यानंतर आठवले गॅंग वर देखील मकोका अंतर्गत कारवाई करण्यात आली आहे. पोलीस अधिकारी शितल बल्लाळ यांच्यावर आरोप करत ऑडिओ क्लीप व्हायरल करणाऱ्या सनी आठवलेची ही आठवले गँग आहे.
बीड पोलिसांनी मागील महिनाभरात जिल्ह्यात दहशत माजविणाऱ्या दोन गँगवर मकोका अंतर्गत कारवाई केली आहे. सुदर्शन घुले याच्या गँगवर मकोका लावल्यानंतर आज बीड पोलिसांनी आठवले गँगवर देखील मकोकाची कारवाई केली आहे. दि.13 डिसेंबर 2024 मध्ये पेठ बीड पोलीस ठाणे हद्दीत गोळीबाराची घटना घडली होती. त्यातील सहा आरोपींवरही मकोका अंतर्गत कारवाई करण्यात आली आहे. त्यात प्रामुख्याने अक्षय आठवले, सनी आठवले, आशिष आठवले, मनीष क्षीरसागर आणि ओंकार सवई यांचा समावेश आहे. या आरोपींनी आतापर्यंत 19 गंभीर स्वरूपाचे गुन्हे केल्याची पोलीस दफ्तरी नोंद आहे. या संपूर्ण गुन्ह्याचा तपास केल्यानंतर आता आठवले गँगवर मकोका कारवाई करण्यात आली आहे.या सहा आरोपींवर कारवाई
अक्षय आठवले, सनी आठवले ,आशिष आठवले, मनीष क्षीरसागर प्रसाद धिवार, ओंकार सवई यांचा समावेश आहे.
दरम्यान जिल्ह्यातील गुन्हेगारीला आळा घालण्यासाठी आवश्यकतेनुसार मकोकाचे प्रस्ताव तसेच एम पी डी ए अंतर्गत कारवाई करण्यात येईल असं पोलीस अधीक्षक नवनीत कावत यांनी म्हटलं आहे.
