रानडुकरांसाठी कुंपण तारेत वीज प्रवाह सोडला; शेतकऱ्याचा मृत्यू

बीड — रानडुकरांपासून पिकाचे संरक्षण व्हावे यासाठी उभ्या पिकाला तारेचे कुंपण करून त्यामध्ये वीज प्रवाह सोडल्यामुळे विजेचा धक्का लागून शेतकऱ्याचा मृत्यू झाल्याची घटना घडली. ही घटना बीड तालुक्यातील सोनगाव येथे सोमवारी मध्यरात्री घडली

आप्पासाहेब सगनाजी दिगे वय 36 वर्ष असं मृत शेतकऱ्याचं नाव आहे. आप्पासाहेब दिघे हे सोमवारी रात्री शेतातील पिकाला पाणी देण्यासाठी शेतात गेले होते. मात्र रानडुकरांपासून पिकांचे संरक्षण करण्यासाठी शेताला तारेचे कुंपण करून विद्युत प्रवाह सोडलेल्या तारेला त्याचा स्पर्श झाला. यामुळे त्यांचा जागीच मृत्यू झाला. वनविभागाने रान डुकरांचा बंदोबस्त करावा अशी मागणी जोर धरू लागली आहे.