१००५ मते दिली ,गुडघ्या एवढे खड्डे भारवंट्यात तरुणाने खा. बजरंग सोनवणेंना भरसभेत धरले धारेवर

बजरंग सोनवणे भारवंटा – गेवराई तालुक्यात खा. बजरंग सोनवणे भारवंटा येथील भर सभेत एका तरुणाने थेट सवाल उपस्थित केला. 1005 मते देऊनही गावाचा विकास का झाला नाही, असा जाब विचारताच…

बीड — निवडणुकीच्या वेळी मतांसाठी गावोगावी फिरणारे नेते निवडून आल्यानंतर मतदारांना किती वेळ देतात, याचा प्रत्यय गेवराई तालुक्यातील भारवंटा येथे आला. गावातील १०५० पैकी १००५ मते तुम्हाला मिळाली, तरी आमच्या गावाचा विकास का झाला नाही? असा थेट सवाल एका तरुणाने खासदार बजरंग सोनवणे यांना भरकार्यक्रमात केला. रस्त्यांची दुरवस्था, पाण्याची समस्या आणि फोन करूनही प्रतिसाद मिळत नसल्याचा मुद्दा उपस्थित करत त्याने खासदारांना चांगलेच धारेवर धरले.

खासदार बजरंग सोनवणे यांच्या जनसंपर्क दौऱ्यादरम्यान भारवंटा येथे हा प्रकार घडला. कार्यक्रम सुरू असताना एका तरुणाने माईक हातात घेतला आणि गावातील समस्यांचा पाढाच वाचला. निवडणुकीच्या वेळी मतांसाठी गावात येणारे नेते नंतर मात्र गावाकडे फिरकत नाहीत. लोकप्रतिनिधींना निवडून देऊनही मूलभूत प्रश्न सुटत नसतील, तर मतदारांनी कोणाकडे पाहायचे, असा सवाल त्याने केला.

बजरंग सोनवणे भारवंटा: १००५ मते दिली, तरी गावाची उपेक्षा का?

भारवंटा गावात एकूण १०५० मतदान असून त्यापैकी १००५ मते तुम्हाला मिळाली आहेत, याची आठवण तरुणाने खासदारांना करून दिली. एवढे मतदान करूनही गावाच्या वाट्याला विकास आला नाही, अशी खंत त्याने व्यक्त केली. निवडणुकीत मतदार महत्त्वाचे असतात, मग निवडून आल्यानंतर त्यांच्या गावातील प्रश्नांकडे दुर्लक्ष का केले जाते, असा थेट सवाल त्याने उपस्थित केला.

बजरंग सोनवणे भारवंटा:शंभर वेळा फोन केला, एकदाही उचलला नाही?

खासदारांशी संपर्क साधण्याच्या प्रयत्नांबाबतही तरुणाने नाराजी व्यक्त केली. मी तुम्हाला शंभर वेळा फोन केला असेल; पण तुम्ही एकदाही फोन उचलला नाही, असे त्याने स्पष्टपणे सांगितले. लोकप्रतिनिधीशी संपर्क साधण्यासाठी वारंवार प्रयत्न करावे लागत असतील, तर सामान्य नागरिकांनी आपले प्रश्न मांडायचे तरी कुणाकडे, असा प्रश्न या निमित्ताने उपस्थित झाला.

 बजरंग सोनवणे भारवंटा : एसी गाडीतून उतरा, आमच्या गावचे रस्ते पाहा’

गावातील रस्त्यांची अवस्था सांगताना तरुणाने खासदारांना थेट टोला लगावला. रस्त्यांवर गुडघाभर खड्डे पडले आहेत. तुम्ही एसी गाडीतून फिरता; पण एकदा आमच्या गावातील रस्त्यावरून फेरफटका मारून पाहा, म्हणजे आमचे हाल कळतील, अशा शब्दांत त्याने संताप व्यक्त केला. रस्त्यांच्या दुरवस्थेमुळे गावकऱ्यांना रोज करावा लागणारा त्रास त्याने खासदारांसमोर मांडला.

केवळ रस्तेच नव्हे, तर गावातील पाण्याचा प्रश्नही त्याने उपस्थित केला. निवडणुकीच्या वेळी मतांसाठी गावात येता, आता दुष्काळात तरी आमच्या पाण्याची सोय करा, अशी मागणी त्याने केली.

 बजरंग सोनवणे भारवंटा : खासदारांनी माईक घेतला; व्हिडिओ व्हायरल

तरुणाने जाहीरपणे जाब विचारल्यानंतर खासदार बजरंग सोनवणे यांनी त्याच्या हातातील माईक घेतला. ‘झाले का तुझे?’ असे म्हणत त्यांनी आपल्या भाषणाला सुरुवात केली. या प्रसंगाचा व्हिडिओ सोशल मीडियावर व्हायरल झाला असून तरुणाच्या धाडसाची चर्चा सुरू आहे.

गावात मंत्री, आमदार किंवा खासदार आले की त्यांच्या स्वागतासाठी गर्दी होते. मात्र, गावातील रस्ते, पाणी आणि इतर प्रश्न विचारण्यासाठी पुढे येणारे किती? भारवंट्यातील तरुणाने किमान हा प्रश्न तरी उपस्थित केला. १००५ मते मिळणे म्हणजे केवळ विजयाचा आकडा नाही, तर त्या गावाने ठेवलेला विश्वास आहे. त्या विश्वासाच्या बदल्यात गावाला मूलभूत सुविधा मिळाव्यात, ही अपेक्षा चुकीची नाही. निवडणुकीत मतांचा हिशेब ठेवणाऱ्या नेत्यांनी आता विकासाचाही हिशेब द्यायला हवा, हाच भारवंट्यातील तरुणाच्या सवालाचा रोख होता.

बजरंग सोनवणे भारवंटा या गावात पोहोचताच तरुणाने माईक हातात घेतला. गावातील रस्ते आणि पाण्याचा प्रश्न त्याने थेट मांडला. बजरंग सोनवणे भारवंटा दौऱ्यावर असताना हाच मुद्दा सगळ्यात जास्त गाजला.

या घटनेनंतर बजरंग सोनवणे भारवंटा प्रकरणाची चर्चा पूर्ण बीड जिल्ह्यात सुरू आहे. मतदारांनी विश्वासाने मतदान केल्यानंतरही विकास झाला नाही, हीच गावकऱ्यांची मुख्य तक्रार आहे.

अधिक माहितीसाठी: भारतीय निवडणूक आयोगाची अधिकृत वेबसाईट | बीड जिल्ह्यातील आणखी बातमी वाचा: बीड डायलिसिस सेंटर पुन्हा सुरू