Physical Address
304 North Cardinal St.
Dorchester Center, MA 02124
बीड — पोलीस अधीक्षक नवनीत काँवत यांनी बीड जिल्ह्यातील सर्व अवैध धंद्याचे समुळ उच्चाटन करण्यासाठी कारवाईचे आदेश दिले आहेत. त्यानुसार स्थानिक गुन्हे शाखेच्या टीमने गेवराई आणि तलवाडा पोलीस ठाणे हद्दीत वाळू वाहतूक करणाऱ्या दोन हायवा पकडल्या. या कारवाई पोलिसांनी 50 लाखाचा मुद्देमाल जप्त केला आहे.
गेवराई परिसरातील गोदावरी नदीपात्रातुन अवैध वाळु वाहतुक होणार आहे. त्यावरून पोलीस निरीक्षक शिवाजी बंटेवाड स्थानिक गुन्हे शाखा बीड यांच्या आदेशाने पोउपनि श्रीराम खटावकर, पोह. वरपे, पोह. राठोड व पोह. राहुल शिंदे असे पथकाने दिनांक ४ नोव्हेंबर रोजी पहाटे सुमारास गेवराई येथील, तलवाडा फाटा व नागझरी गावचे परिसरात जावुन थांबुन माहिती केली असता त्यांना विनापरवाना
बेकायदेशिररित्या दोन हायवा, वर नमुद ठिकाणी गोदावरी नदीच्या पात्रातुन वाळु भरून कोठेतरी घेवुन जात असतांना दिसल्या. त्यांचा अवैध वाळु वाहतुक करीत असल्याचा संशय आल्याने त्यांना पथकाने थांबण्याचा इशारा केला असता चालकाने हायवा रोडच्या बाजुला उभा करून हायवा चालक पथकाला पाहुन अंधाराचा फायदा घेवुन पळुन गेले. सदर हायवाचा क्रमांक MH.23 AU.2757 d MH.25AJ. 3555 असा होता. थांबलेल्या हायवामध्ये काय आहे? याची पाहणी केली असता दोन्ही हायवा मध्ये अंदाजे प्रत्येकी पाच-पाच ब्रास वाळु भरलेली दिसुन आली.सदर दोन्ही हायवा मधील दहा ब्रास वाळु किमंती अंदाजे साठ हजार रूपये व दोन्ही हायवा किमंती अंदाजे 50 लाख रुपये असा एकुन 50 लाख 60 हजार रुपये किमंतीचा मुद्देमाल जप्त करून पुढील कायदेशिर कारवाई कामी पोस्टे गेवराई येथे घेवुन येवुन हायवा चालक व मालकाविरूध्द पोलीस ठाणे गेवराई येथे दोन वेगवेगळे गुन्हे दाखल करण्यात आलेले आहेत. सदरची कामगिरी पोलीस अधीक्षक नवनीत काँवत, अप्पर पोलीस सचिन पांडकर व स्थानिक गुन्हे शाखेचे पोलीस निरीक्षक शिवाजी बंटेवाड यांच्या मार्गदर्शनाखाली स्थानिक गुन्हे शाखेचे पोउपनि श्रीराम खटावकर, पोह. वरपे, पोह.राठोड व पोह. राहुल शिंदे यांनी केली आहे.
