बेपत्ता तरुणाचा मृतदेह विहिरीत आढळला

गेवराई — तालुक्यातील तलवाडा येथील अंबिका नगर येथील रहिवासी असलेला रामेश्वर मोहन शिंगणे वय २५ वर्ष काहीं कारणास्तव रागाच्या भरात दि.३१ जानेवारी २०२६ रोजी संध्याकाळी आपल्या आईला सांगून तो बाहेर निघून गेला होता. मात्र घरी न परतल्याने त्याची सर्वत्र शोधा-शोध घेतली परंतू तो सापडला नाही. अखेर आज रामेश्वर शिंगणे याचा मृतदेह अंबिका नगर भागातील विहिरीत रामेश्वर उर्फ गोरख शिंगणे याचे प्रेत नागरिकांना आढळूनआले. याप्रकरणी तलवाडा पोलीस स्टेशनचे सपोनि मनोज निलगेकर यांना माहिती मिळताच उपनिरीक्षक कैलास अन्नादास, बीट अंमलदार अंजन गडदे, पोह नारायण काकडे घटनास्थळी दाखल झाले.पाण्यामुळे रामेश्वरचा मृतदेह पुर्णपणे छिन्न-विच्छिन्न झाला होता. त्यामुळे जागीच शवविच्छेदन करण्यात आले असून पुढील तपास सुरु आहे.