पूरग्रस्तांसाठी बीड पोलिसांनी केला मदतीचा हात पुढे

बीड – अतिवृष्टी झाल्याने शेतकऱ्यांच स्वप्न धुळीला मिळालं. जगायचं कसं हा प्रश्न निर्माण झाला. शेतकऱ्यांच्या मदतीसाठी अनेक हात पुढे आलेले असताना पोलीस अधीक्षक नवनीत कावत यांनी देखील मुख्यमंत्री सहाय्यता निधीला 50 हजार रुपये दिले. त्यांच्याच पावलावर पाऊल टाकत पोलीस यंत्रणेने देखील सहा लाख 39 हजार रुपयाचा निधी जमा करत खाकी वर्दीतील माणुसकीचे दर्शन घडवले आहे.
बीडचे पोलीस अधिक्षक नवनीत कॉवत यांनी सध्याची परिस्थिती पाहता देशाचा पोशिंदा जगला पाहिजे या भावनेतून 50 हजारांची मदत मुख्यमंत्री सहाय्यता निधीला केली होती.यानंतर इतर पोलीस अधिकारी आणि कर्मचाऱ्यांनी या निर्णयाचे अनुकरण करत अनेकांनी मदतीसाठी पुढाकार घेतला.त्यामुळे बीड पोलिसांकडून मदतीचा ओघ वाढत तब्बल 6 लाख 39 हजारांची मदत पुरग्रस्तांसाठी जमली होती.बीड पोलिसांनी खाकीतून दाखविलेले माणुसकीचे दर्शन सर्वत्र चर्चेचा विषय ठरला.