धारूर आगाराच्या बसचालकाची मांजरा धरणाच्या रॅम्पला गळफास घेऊन आत्महत्या

केज — धारूर आगारात कार्यरत असलेल्या बसचालकाने केज तालुक्यातील धनेगाव येथील मांजरा धरणाच्या रॅम्पच्या लोखंडी अँगलला गळफास घेऊन जीवन संपवले.
या बाबतची माहिती अशी की,केज तालुक्यातील धनेगाव येथील रहिवाशी असलेले आत्मलिंग नामदेव गुजर यांनी दि.७ फेब्रुवारी रोजी सायंकाळी ६.४५ वाजण्याच्या सुमारास धनेगाव येथील मांजरा धरणाच्या डाव्या कालव्याच्या रॅम्प च्या लोखंडी अँगलला दोरीने गळफास घेऊन आत्महत्या केली आहे.या घटने मागील कारण अद्याप स्पष्ट झालेले नाही. मयत आत्मलिंग गुजर यांचे चुलत भाऊ विश्वनाथ रामलिंग गुजर यांच्या फिर्यादी वरून युसुफवडगाव पोलिस ठाण्यात अकास्मिक मृत्यूची नोंद दाखल करण्यात आले आहे. सहाय्यक पोलिस निरीक्षक मच्छिंद्रनाथ शेंडगे यांच्या मार्गदर्शनाखाली पोलिस जमादार डोंगरे हे तपास करीत आहेत.