वळण रस्त्यावर ट्रॅक्टर पलटी 28 वर्षीय तरुणाचा मृत्यू

माजलगाव — शेतातील वळण रस्त्यावर ट्रॅक्टर पलटी होऊन त्याखाली तो दबल्यामुळे तरुणाचा मृत्यू झाला. ही घटना हिवरा बुद्रुक गावात गुरुवारी पहाटेच्या सुमारास घडली
गणेश भारत गाडे वय 28 वर्ष असं मृत तरुणाचं नाव आहे.
गणेश गाडे हा गुरवारी पहाटे 2 वाजता शेतातील कामासाठी ट्रॅक्टर घेऊन जात होता.यावेळी शेत वळण रस्त्यावर ट्रॅक्टरला टर्न मारत असताना ट्रॅक्टर पलटी झाला. या झालेल्या अपघातात ट्रॅक्टर अंगावर पडल्याने गणेश गाडे हा गंभीर जखमी झाला. अपघात झाल्यानंतर स्थानिक लोकांनी तात्काळ घटनास्थळी धाव घेतली जखमी तरुणाला उपचारासाठी रुग्णालयात दाखल केले. मात्र डॉक्टरांनी त्याला मृत घोषित केले. मृत तरुण शेतमजुरी करून आपल्या कुटुंबाचा उदरनिर्वाह करत होता.या घटनेमुळे तरुणाच्या गावात शोककळा पसरली आहे. या घटनेची नोंद माजलगाव ग्रामीण पोलीस ठाण्यात करण्यात आली असून पुढील तपास पोलीस करत आहेत