कायद्यातले भीष्माचार्य एड‌‌. पद्माकरराव हसेगावकर कालवश

बीड — वकीली क्षेत्रातील भीष्म पितामह दिवानी कायद्यातील चालते बोलते विद्यापीठ अॅड. पद्माकरराव भगवानराव हसेगावकर यांचे आज दिनांक १० फेब्रुवारी २०२६ रोजी सकाळी सात वाजता अल्पशा आजाराने वयाच्या ८९ व्या वर्षी निधन झाले.
बीड जिल्हा वकील संघाचे जेष्ठ विधीज्ञ एड. पद्माकर हसेगावकर यांचे आज वयाच्या ८९ या वर्षी निधन झाले त्यांनी सुरुवातीला 10 वर्ष महसूल खात्यामध्ये पेशकार म्हणून नोकरी केली नंतर राजीनामा देऊन वकिली व्यवसायाला सुरुवात केली त्यांनी जवळपास 57 वर्ष वकिली व्यवसाय केला शेवटच्या श्वासापर्यंत त्यांनी अनेक ज्युनिअर ला वकिली व्यवसायामध्ये मार्गदर्शन केले. त्यांच्या मार्गदर्शनामुळे अनेकांना वकिली व्यवसायात नवी उंची गाठण्यात मोठी मदत झाली. त्यांचे अनेक जूनियर हे सध्या न्यायाधीश पदावर आहे दिवाणी कायद्यातील कुळ कायदा महसूल कायदा व दिवाणी स्वरूपातील कायद्यावर त्यांचा गाढा अभ्यास होता. एॅड. हसेगावकर यांनी एखाद प्रकरण हाती घेतल्यानंतर त्यातील बारकावे अभ्यासून ते न्यायालयापुढे मांडत असत. त्यांच्या या खास शैलीमुळे त्यांच्या नावाचा धाक, दबदबा वाटायचा विरोधातील वकिलांना वाटायचा.
त्यांच्या पश्चात एक मुलगा सरकारी वकील एड. अमित हासेगावकर सून एड. अश्विनी अमित हसेगावकर मुलगी मेघा असा परिवार आहे. हासेगावकर कुटुंबीयांवर कोसळलेल्या दुःखात “सह्याद्री माझा” परिवार सहभागी आहे.