4 महिन्याच्या बाळाला बॅरल मध्ये टाकून वडिलाची आत्महत्या

गेवराई — आपल्या चार महिन्याच्या बाळाला पाण्याच्या बॅरल मध्ये टाकून वडिलांनी गळफास घेऊन आत्महत्या केल्याची घटना तलवाडा येथील तहत रामनगर येथे घडली आहे.
अमोल हौसराव सोनवणे असं आत्महत्या केलेल्या व्यक्तीचे नाव असून त्याने चार महिन्यांच्या बाळाला देखील बॅरलमध्ये टाकून जीवे मारले.दरम्यान, या घटनेने परिसरात खळबळ उडाली आहे. तलवाडा पोलीस घटनेचा अधिक तपास करत आहेत. चार दिवसांपूर्वीच दोघा पती-पत्नीत कौटुंबिक वाद झाला होता. यातूनच अमोल सोनवणे याने हे कृत्य केल्याची माहिती समोर आली आहे. मात्र घटनेचा पोलीस अधिक तपास करत आहेत.