क्रीडा व मनोरंजन

🇮🇳 विविध कार्यक्रमांनी हिंगणी बु. जि.प.शाळेत प्रजासत्ताक दिन साजरा 🇮🇳

चौसाळा — दैवत छत्रपती या लेझीम नृत्या सोबतच छत्रपती शिवाजी महाराज अफजल खान भेट, शाहिस्तेखानाची फजिती प्रसंग सादर करत टिपरी नृत्य, वेशभूषा यासारख्या रंगारंग भरगच्च कार्यक्रमांनी हिंगणी बु. जि प शाळेत प्रजासत्ताक दिन मोठ्या उत्साहात साजरा करण्यात आला.


या कार्यक्रमाच्या अध्यक्षस्थानी हिंगणीच्या सरपंच सौ कमलताई वायसे या होत्या तर प्रमुख पाहुणे म्हणून उपसरपंच अंकुशराव गोरे, जेबा पिंपरी चे केंद्रीय मुख्याध्यापक अंकुश निर्मळ, निवृत्त कृषी अधिकारी पी.जी कुलकर्णी उपस्थित होते. गावातून ढोलनादाच्या विविध वेशभूषेसह प्रभात फेरी काढून मुख्याध्यापक रघुनाथ पवार यांच्या हस्ते ध्वजारोहण करुन राष्ट्रगीत गायन करण्यात आले. थोर महापुरुषांच्या प्रतिमेचे पूजन करून संविधान उद्देशिकेचे वाचन करण्यात आले. त्यानंतर ग्रामस्थांनी विविध कार्यक्रमांची मेजवानीचा आनंद घेतला

 शाळेतील विद्यार्थ्यांनी दैवत छत्रपती, बेटी हिंदुस्तान की या गीतावर सुंदर लेझीम नृत्य सादर करून उपस्थितांची मने जिंकली. दैवत छत्रपती लेझीम नृत्य करत असताना छत्रपती शिवाजी महाराज व राजमाता जिजाऊ यांची वेशभूषा सादर केली गेली. याच वेळी छत्रपती शिवाजी महाराज व अफजलखानाच्या भेटीचा तसेच शाहिस्तेखानाच्या फजितीचा प्रसंग सादर करण्यात आला. बेटी हिंदुस्तानी या लेझीम

 नृत्यावर राष्ट्रमाता जिजाऊ, सावित्रीबाई फुले, राणी लक्ष्मीबाई, भारत माता, डॉक्टर ,पोलीस, माता रमाई यांची वेशभूषा सादर करण्यात आली. या लेझीम नृत्यात साहसी देखाव्यासोबतच अंगावर शहारे आणणारे मनोरे सादर करून उपस्थितांना मंत्रमुग्ध केले.

ओढ के अंधेरा या गीतावर शाळेतील विद्यार्थिनींनी टिपरी नृत्य करून सर्वांचे लक्ष वेधून घेतले. या कार्यक्रमाच्या सादरीकरणात शाळेचे मुख्याध्यापक रघुनाथ पवार सर, महेश फसले सर, सर्फराज सिद्दिकी सर, जितेंद्र औताने सर यांनी घेतलेल्या मेहनतीचा ग्रामस्थांना परिचय झाला. यावेळी शालेय क्रीडा स्पर्धेत विजयी झालेल्या विद्यार्थ्यांना मान्यवरांच्या हस्ते बक्षीस वितरण करण्यात आले. शिक्षण प्रेमी काकासाहेब पवार लक्ष्मण सपकाळ यांनी विद्यार्थ्यांना खाऊ वाटप केले. उपसरपंच अंकुशराव गोरे यांनी मनोगत व्यक्त केले तर सूत्रसंचालन जितेंद्र औताने यांनी केले. आभार प्रदर्शन सर्फराज सिद्दिकी सर यांनी केले. कार्यक्रमाच्या यशस्वीतेसाठी मच्छिंद्र सुरवसे यांचे सहकार्य लाभले.

SHARE

Related Articles

Leave a Reply

Your email address will not be published. Required fields are marked *

Back to top button