कोरोनाच्या भीतीने पत्रकाराचा मृत्यू

बीड – कोरोना पॉझिटिव रुग्णाच्या संपर्कात आल्यामुळे व या दरम्यान आलेल्या अदृश्य तापी मुळे धास्तावलेल्या गेवराई चे पत्रकार संतोष भोसले यांचा जिल्हा रुग्णालयात उपचारादरम्यान मृत्यू झाला.
गेवराईच्या पत्रकारिता क्षेत्रात आपल्या सुस्वभावी आणि वेगळा ठसा उमटवणारे संतोष भोसले यांच्या निधनाने सर्वत्र हळहळ व्यक्त केली जात आहे. संतोष भोसले हे गेल्या काही दिवसापासून आजारी होते त्यांना ताप येत होता त्यामुळे त्यांनी दोन वेळेला कोरोना चाचणी देखील केली होती दोन्ही वेळेला त्यांचा अहवाल निगेटिव्ह आला होता. त्यांचा एक मित्र काही दिवसापूर्वी कोरोना पॉझिटिव्ह आल्यामुळे आपण त्याच्या संपर्कात आलो आहोत त्यामुळे आपल्याला देखील कोरोना होतो की काय ? अशा विचाराने ते ग्रस्त झाले होते. सोमवारी रात्री त्यांना जास्त त्रास होऊ लागल्यानंतर बीड जिल्हा रुग्णालयात उपचारासाठी घेऊन जाण्यात आले. मात्र उपचारादरम्यान त्यांचा मृत्यू झाला. दरम्यान त्यांच्या मृत्यूमुळे सर्व क्षेत्रात हळहळ व्यक्त केली जात आहे. भोसले परिवाराच्या दुःखात सह्याद्री माझा सहभागी आहे.