कृषी व व्यापार

पिक विमा मिळवण्यासाठी वडवणीत शेतकऱ्यांचे भिक मागो आंदोलन

वडवणी — परतीच्या पावसाने शेतकऱ्यांचे प्रचंड नुकसान केले असले तरी जिल्ह्यातील अनेक शेतकऱ्यांना पीक विमा देण्यास कंपनी टाळाटाळ करत आहे. आंदोलन करूनही सरकार याची दखल घेत नसल्याच्या निषेधार्थ वडवणीत आज छत्रपती शिवाजी महाराज चौकात भीक मागो आंदोलन करून जमलेली रक्कम शिंदे सरकारला पाठवण्यात येणार आहे.

जिल्ह्यात ऑक्टोबर मध्ये झालेल्या प्रचंड पावसाने शेतकऱ्यांच्या हातात तोंडाशी आलेला घास हिरावला गेला. शेतकऱ्यांनी पिक विमा भरून देखील विमा कंपनी शेतकऱ्यांना नुकसान भरपाई देण्यास टाळाटाळ करत असल्याचं पाहायला मिळत आहे. विमा मिळावा यासाठी अनेक वेळा आंदोलन करण्यात आली मोर्चे काढण्यात आले. मात्र सरकारने याची दखल घेतली नाही. वडवणी तालुक्यातील उर्वरीत शेतकऱ्यांचा पिक विमा देण्यात यावा. पिक विम्यासाठी जाचक अटी रद्द करण्यात याव्यात. बीड जिल्ह्यातील शेतकऱ्यांना सततच्या पावसामुळे नुकसान होऊनही नव्या शासकीय नियमानुसार मदत मिळालेली नाही. पीकविमा तक्रारी करूनही कंपनी सर्व्हे केला नाही. बीड जिल्ह्यातील 21 हजारांपेक्षा अधिक शेतकऱ्यांच्या तक्रारी नाकारल्या आहेत. लाखो तक्रारी पेंडिंग असून सावळा गोंधळ पीकविमा कंपनीने सुरु केला आहे. जिल्ह्यातील हजारो शेतकऱ्यांची निवेदने देऊन हि शेतकऱ्यांची प्रश्ने निकाली लागली नाहीत.या सर्व बाबींच्या निषेधार्थ आज वडवणी येथे शेतकऱ्यांनी एकत्र येऊन भिक मागो आंदोलन केले आहे. आपल्या मागण्यांचे निवेदन मुख्यमंत्र्यांना पाठवले असून भिक मागो आंदोलनातून जमा झालेली रक्कम मुख्यमंत्री एकनाथ शिंदे यांना पाठवण्यात येणार असल्याचं आंदोलक युवराज शिंदे यांनी सांगितलं आहे.

SHARE

Related Articles

Leave a Reply

Your email address will not be published. Required fields are marked *

Back to top button