देश विदेश

तरुणांनो सावधान ! कोरोना बरा झाला तरी दीर्घकाळ राहतात लक्षण, कामाची क्षमता होते कमी

न्यूयॉर्क — कोरोनावर जगभर संशोधन सुरु असून अजुन औषध मिळाले नाही. अशातच अमेरिकन डॉक्टरांनी केलेल्या एका अभ्यासात आणखी काही गोष्टी पुढे आल्या आहेत. तरुणांमध्ये कोविड हा आजार दीर्घकाळ राहू शकतो असे त्यांना आढळून आले आहे. फार गंभीर नसली तरी काही लक्षण त्यांना दीर्घकाळ राहू शकतात आणि त्याचा त्रास होऊ शकतो असे त्यांना आढळून आले आहे. तरुणांना कोविड झाला तरीही ते त्या आजारातून लवकर बरे होतात असे बोलले जाते.

मात्र त्याबाबतही काही वेगळे निष्कर्ष या तज्ज्ञ डॉक्टरांनी काढलेले आहेत. तरुणांना अनेक महिने कोरोनाची काही लक्षणे राहू शकतात. श्वास घेण्यास, त्रास होणे, दम लागणे, थकवा राहाणे या गोष्टी त्यांच्यामध्ये राहू शकतात. त्यामुळे ते पूर्वीसारखे कामकाज करू शकत नाहीत असेही आढळून आले आहे. त्यामुळे काळजी घेणे आणि डॉक्टरांच्याच सल्ल्यानुसार औषधोपचार करणे आवश्यक असल्याचे डॉक्टरांनी सांगितले.

ऑक्सफोर्डशिवाय रशिया आणि चीन या देशांनी तयार केलेले कोरोना वॅक्सीनही अंतिम टप्प्यात आले असून त्यावर निरीक्षण सुरू आहे. तज्ज्ञांच्या म्हणण्यानुसार कोरोनासाठी संपूर्णपणे वॅक्सीनंवर अवलंबून राहता येणार नाही. अंतिम टप्प्यातील निरीक्षण आणि प्रत्यक्षात उपलब्ध झाल्यानंतरही सुरुवातीच्या टप्प्यात येणारी आव्हानं यावर अनेक गोष्टी अवलंबून असणार आहेत.

SHARE

Related Articles

Leave a Reply

Your email address will not be published. Required fields are marked *

Back to top button
Close
Close