क्राईम

एसटी व स्कूल बसची समोरासमोर टक्कर ; विद्यार्थ्यांसह 20 प्रवासी जखमी

गंगाखेड — एसटी आणि स्कूल बस यांच्यात समोरासमोर धडक होऊन झालेल्या अपघातामध्ये 20 जण जखमी झाल्याची घटना गंगाखेड राणीसावरगाव रस्त्यावरील येळेगाव परिसरात रविवारी सकाळी घडली. दरम्यान चार जणांचे प्रकृती गंभीर असून त्यांना परभणी येथे उपचारासाठी दाखल करण्यात आले आहे.

गंगाखेड शहरातील एका शाळेची बस विद्यार्थ्यांना घेऊन चाकूरकडे सहलीला जात होती. स्कूल बस ईळेगावजवळ आली असता अहमदपूरवरून बुलढाण्याला जाणार्‍या एसटी बस आणि स्कूल बसची समोरासमोर धडक झाली या अपघातामध्ये स्कूल बसमधील विद्यार्थी आणि एसटीमधील 20 पेक्षा अधिक प्रवासी जखमी झाले आहेत. घटनेची माहिती मिळताच पिंपळदरी पोलिसांनी घटनास्थळी धाव घेऊन जखमींना उपचारासाठी गंगाखेड येथील उपजिल्हा रुग्णालयात दाखल करण्यात आले. यामधील चार जणांची प्रकृती गंभीर असून त्यांना परभणी येथे उपचारासाठी जिल्हा रुग्णालयात दाखल करण्यात आले आहे.

SHARE

Related Articles

Leave a Reply

Your email address will not be published. Required fields are marked *

Back to top button