क्राईम

मुळुकवाडीच्या खून प्रकरणातील आरोपीने पोलीसांची भरधाव जीप स्टेअरिंग फिरवून उलटवली,नेकनूरचे एपीआय गंभीर जखमी

नेकनूर – बीड तालुक्यातील मुळूकवाडीत शेतीच्या वादातून धारदार कोयत्याने सपासप वार करत वृध्द चुलत्याचा खून करणाऱ्या पुतण्याला नेकनूर पोलिसांनी जेरबंद केले आज सोमवार दि.28 रोजी मुळूकवाडी येथे स्पॉट पंचनाम्यासाठी घेऊन जात असताना आरोपीने भरधाव वेगात असलेल्या पोलिसांच्या गाडीचे स्टेअरिंग फिरवल्यामुळे गाडीने पलटी खाल्ली. यात सहाय्यक पोलिस निरीक्षक शेख मुस्तफा गंभीर जखमी झाले असून पोलीस कर्मचाऱ्यांसह पंच व आरोपी असे सहा जण जखमी झाले आहेत ‌‌. ससेवाडी फाट्याजवळ ही घटना घडली आहे.

जमिनीच्या वादातून बळीराम मसाजी निर्मळ वय 75 वर्ष यांचा रोहिदास विठ्ठल निर्मळने खून केला. तर केशर बळीराम वय 65 वर्ष, चोकाजी निर्मळ वय 80 वर्ष, कांताबाई निर्मळ वय 60 वर्ष हे जखमी झाले होते. नेकनूर पोलिसांनी घटनेनंतर तातडीने आरोपीला अटक केली होती. आज सकाळी स्पॉट पंचनाम्यासाठी नेकनूर पोलीस ठाण्यातून आरोपी रोहिदास याला घेऊन जात असताना त्याने पोलिसांची गाडी ससेवाडी फाट्याजवळ आली असताना पळ काढण्यासाठी गाडीचे स्टेरिंग फिरवले. यावेळी कार वेगात असल्यामुळे रस्त्याच्या खाली पलट्या मारत गेली. या अपघातात नेकनूर ठाण्याचे सहाय्यक पोलीस निरीक्षक शेख सय्यद मुस्तफा यांच्यासह पो.का.खाडे, देशमुख आणि दोन पंच जखमी झाले आहेत. दरम्यान, या घटनेमुळे खळबळ उडाली असून शेख मुस्तफा यांच्यावर बीडमधील खाजगी रुग्णालयात उपचार सुरु आहेत.

SHARE

Related Articles

Leave a Reply

Your email address will not be published. Required fields are marked *

Back to top button