महाराष्ट्र

आष्टीच्या तरुणाचा मंत्रालयात आत्महत्येचा प्रयत्न

मुंबई — प्रेयसीवर झालेल्या बलात्कार प्रकरणी न्याय मिळावा यासाठी आष्टीच्या बापू नारायण मोकाशी वय 43 वर्ष या तरुणाने मंत्रालयाच्या सहाव्या मजल्यावरून उडी मारून आत्महत्या करण्याचा प्रयत्न केला. मात्र सुरक्षिततेसाठी लावण्यात आलेल्या जाळीमुळे या तरुणाचा जीव वाचला.
बापू नारायण मोकाशे हा आष्टी तालुक्यातील पारगांव जोगेश्वरी येथील मुंजाबा वस्तीवरील रहिवासी आहे. तो डिप्लोमा इंजिनीअर आहे. काहीकाळ पुणे येथील खासगी कंपनीमध्ये त्याने नोकरी केली.त्यानंतर गावी येऊन शेती करू लागला. शेतीला जोडधंदा म्हणून दुग्ध व्यवसाय देखील त्याने सुरु केला होता.जामखेडच्या इंजिनिअरिंग कॉलेजला प्राध्यापक म्हणून देखील बापूने नोकरी केली. आज दुपारी मंत्रिमंडळाची बैठक सुरू असताना त्याने अचानक सहाव्या मजल्यावरून उडी मारून आत्महत्या करण्याचा प्रयत्न केला. मात्र दुसऱ्या मजल्यावर सुरक्षेसाठी लावण्यात आलेल्या जाळीत तो अडकला. दरम्यान या युवकाच्या प्रेयसीवर तीन वर्षांपूर्वी अतिप्रसंग झाला होता. याप्रकरणी न्याय मिळावा आरोपींना अटक व्हावी या मागणीसाठी त्याने तत्कालीन मुख्यमंत्री उद्धव ठाकरे यांना चार वेळा पत्र लिहिलं होतं मात्र न्याय मिळाला नाही त्यामुळे बापू ने हे कृत्य केल्याची माहिती मिळत आहे. दरम्यान उडी मारल्यानंतर बापू मोकाशेच्या डोक्याला किरकोळ जखम झाली असून पोलिसांनी तात्काळ उपचारासाठी रुग्णालयात दाखल करण्यात आल आहे. आज मंत्रालयात राज्य मंत्रिमंडळाची बैठक होती त्यामुळे मंत्रालयात मोठी वर्दळ होती राज्यभरातून नागरिक मंत्रालयात आज उपस्थित होते अशातच या तरुणांने आत्महत्या करण्याचा प्रयत्न केल्यामुळे तेथे धावपळीचे वातावरण निर्माण झालं.

SHARE

Related Articles

Leave a Reply

Your email address will not be published. Required fields are marked *

Back to top button