पडळकर, सूर्यावर थुंकण्याचा प्रकार करू नका, पवारांवरील टीकेला धनंजय मुंडेंचे सडेतोड उत्तर

मुंबई — विधानपरिषदेवरील नवनिर्वाचित
भाजपचे आ.गोपीचंद पडळकर यांनी राष्ट्रवादीचे अध्यक्ष शरद पवार यांच्यावर खालच्या थरावर जाऊन टीका केली. या टीकेला सडेतोड उत्तर देत सामाजिक न्याय मंत्री धनंजय मुंडे यांनी राजकारणात नेम आणि फेम मिळवण्यासाठी @PawarSpeaks साहेबावर टीका करायचे हे समजून अनेक जण उचलली जीभ लावली टाळ्याला या उचापती करतात. सूर्यावर थूंकण्याचे आहे प्रयत्न न करता डिपॉझिट अस्तित्व टिकून राहील, देवाच्या खोट्या शपथा घ्याव्या लागणार नाहीत. हे पहावे अशा शब्दात ट्वीट करून पलटवार केला आहे.

भाजपाचे नवनिर्वाचित आमदार गोपीचंद पडळकर यांनी गेल्या अनेक वर्षापासून शरद पवार हे महाराष्ट्राचे नेतृत्व करतात राज्यातील बहुजना वर अत्याचार करण्याची भूमिका त्यांची राहिली आहे.ही भूमिका ते पुढेही कायम ठेवतील असे म्हणत त्यांची जीभ घसरली व शरद पवार हे महाराष्ट्राला लागलेला कोरोना आहे अशी टीका केली. दरम्यान पडळकर यांनी टीका केल्यानंतर महाराष्ट्रातील राजकारण तापले असून पडळकर यांच्यावर टीकेची झोड उठवली जात आहे.राष्ट्रवादीची बुलंद तोफ समजले जाणारे धनंजय मुंडे यांनी देखील ट्विट करून पडळकर यांच्या टीकेला सडेतोड उत्तर दिले आहे. मंडल आयोग, नामविस्तार, बहुजनांच्या कल्याणासाठी विविध योजना राबवून मा.@PawarSpeaks साहेबांनी आम्हा बहुजनांच्या आयुष्याच सोनं केलं आहे हे महाराष्ट्राला वेगळ सांगायची गरज नाही.पण भाजपने दिलेल्या आमदारकीची परतफेड करण्यासाठी@007Gopichand यांना वायफळ गोष्टी कराव्या लागतात याचे वाईट वाटत आहे. असे म्हणत विरोबा त्यांना सदबुद्धी देवो असे म्हटले आहे.