क्राईम

पावसाने पीक गेली; शेतकऱ्याची आत्महत्या

आष्टी — जिल्ह्यात परतीच्या पावसाने शेतकऱ्यांच्या हातात तोंडाशी आलेला घास हिरावला गेला. त्यामुळे आत्महत्यांच सत्र सुरू झालं असून शनिवारी केज येथे तरुण शेतकऱ्याने आत्महत्या केल्यानंतर आष्टी तालुक्यातील पांढरी येथील शेतकऱ्याने गळफास घेऊन आत्महत्या केल्याची घटना घडली आहे.

दादासाहेब बाबुराव वांढरे वय 55 वर्ष असे मृत शेतकऱ्याचे नाव आहे. पांढरी येथील दादासाहेब वांढरे यांच्याकडे तीन ते चार एकर जमीन आहे. अतिवृष्टी झाल्यामुळे हाता तोंडाशी आलेला घास हिरावला गेला. सोबतच शासनाने देखील कुठलीच मदतीची घोषणा केली नाही पिक विमा देखील मिळेल की नाही याची शाश्वती नाही. यातून कुटुंबाचा उदरनिर्वाह कसा करायचा लोकांचं देणं पाणी कसं द्यायचं या विवंचनेत त्यांनी शेतातील शेडमध्ये गळफास घेऊन आत्महत्या केली. दादासाहेब वांढरे यांच्या पश्चात एक मुलगा व चार मुली असा परिवार आहे. याप्रकरणी आष्टी पोलीस ठाण्यात आकस्मित मृत्यूची नोंद करण्यात आली आहे.

अतिवृष्टीने पिक भुई सपाट झाली असून शेतकरी नैराश्याच्या गर्तेत सापडला आहे. शासनाची मदत न मिळाल्यामुळे टोकाची भूमिका घेत आहेत त्यामुळे तात्काळ पंचनामे करून शासनाने भरीव मदत शेतकऱ्यांना द्यावी
                       — सुधीर पठाडे
                            सरपंच पांढरी

SHARE

Related Articles

Leave a Reply

Your email address will not be published. Required fields are marked *

Back to top button