Suspension will occur if there is no doctor in the hospital at night; Commissioner Tukaram Mundhe in action mode रात्रीच्या वेळी रुग्णालयात डॉक्टर नसल्यास होणार निलंबन; आयुक्त तुकाराम मुंढे ॲक्शन मोडमध्ये

पुणे — आरोग्य सेवा आणि संचालक राष्ट्रीय आरोग्य अभियान आयुक्त पदाचा पदभार स्वीकारताच आपल्या स्वतंत्र कार्य शैलीचा परिचय देण्यास सुरुवात केली.रात्रीच्या वेळी डॉक्टर रुग्णालयात हजर नसल्यास अशा डॉक्टरांना थेट निलंबित केले जाणार आहे.तसेच यापुढे कार्यालयीन वेळेत रुग्णालयात उपस्थित नसणाऱ्या डॉक्टरांवर कारवाई केली जाणार आहे. राज्यातील प्राथमिक आरोग्य केंद्र , ग्रामीण रुग्णालय, जिल्हा रुग्णालय येथे रात्रीच्या वेळी आरोग्य विभागातील अधिकाऱ्यांनी धाडसत्र कारवाई सुरू केलं आहे.

तुकाराम मुंढे यांनी काही दिवसांपूर्वी आयुक्त आरोग्य सेवा आणि संचालक राष्ट्रीय आरोग्य अभियान पदाचा कार्यभार स्वीकारला आहे. त्यानंतर ते अॅक्शन मोडवर आले आहेत. राज्यातील जनतेच्या आरोग्याची सेवा करण्यासाठी तत्पर राहण्याच्या सूचना त्यांनी वैद्यकीय कर्मचाऱ्यांना दिल्या. मात्र काहीच दिवसात धडाकेबाज अधिकारी म्हणून ओळख असलेल्या तुकाराम मुंढेंनी कारवाईचा धडाका लावला.त्यांच्या याच धडाकेबाज कामाची सध्या चर्चा होत आहे.
ऑगस्ट 2020 मध्ये नागपूर पालिका आयुक्त पदावरून बदली करत कोणत्याही पदभाराविना मुंबईमध्ये दाखल झालेल्या आयएएस तुकाराम मुंढे यांना मानवी हक्क आयोगाच्या सचिव पदावर नियुक्त करण्यात आले होते. मात्र वर्षभरात त्यांची पुन्हा बदली करुन त्यांना आरोग्य विभागाच्या आयुक्त पदाची जबाबदारी दिली आहे. दरम्यान आयएएस अधिकारी तुकाराम मुंढे हे 2005 च्या बॅचचे आयएएस अधिकारी आहे. त्यांनी ज्या पदावर काम केले आहे, त्या ठिकाणी आपल्या कामाची स्वतंत्र ओळख तयार केली त्यांच्या 15 वर्षांच्या प्रशासकीय सेवेत 14 बदल्या झाल्या आहेत. शिस्तबद्ध अधिकारी अशी मुंढेंची ओळख आहे.