क्राईम

लिंबागणेश जवळ दुचाकी व कारच्या अपघातात तीन ठार

नेकनूरदुचाकीवरून बी बियाणे घेऊन आपल्या गावी परतत असलेल्या शेतकऱ्यांच्या मोटरसायकलला कार ने जोराची धडक दिली. या अपघातात दोन शेतकऱ्यांचा घटनास्थळीच मृत्यू झाला तर अन्य एकाचा उपचारादरम्यान मृत्यू झाल्याची माहिती मिळत आहे. ही दुर्घटना लिंबागणेश जवळील मुळूक चौकात घडली

तीन शेतकरी आपल्या दुचाकीवरून (एम एच 23 एस.8146 ) मसेवाडी गावाकडे बियाणे घेऊन परतत होते. मूळूक चौकात आल्यानंतर समोरून भरधाव वेगात येणाऱ्या कार ने ( एम एच 12 जे झेड 6727 ) मोटारसायकलला जोराची धडक दिली. या दुर्घटनेत बंकट बाबू मोरे वय वर्ष 50, संजय बाळू सोनवणे वय वर्ष 45 या दोघांचा घटनास्थळीच मृत्यू झाला. तर गोरख बबन मोरे वय 32 वर्षे हा गंभीररीत्या जखमी झाला. जखमीस लिंबागणेश प्राथमिक आरोग्य केंद्रात उपचारासाठी दाखल करण्यात आले मात्र उपचार सुरू असताना त्याचा देखील मृत्यू झाला असल्याचे कळत आहे. दरम्यान कार चालकास लिंबागणेश चौकीच्या पोलिसांनी ताब्यात घेतले आहे.

SHARE

Related Articles

Leave a Reply

Your email address will not be published. Required fields are marked *

Back to top button
Close
Close