अल्पवयीन मुलीवर अत्याचार; आरोपीस दहा वर्षाची सक्त मजुरीची शिक्षा. Abusing a minor girl; The accused was sentenced to ten years of hard labour

बीड –19 ऑक्टोबर 2020 रोजी अल्पवयीन मुलीवर बळजरीने लैगिंक अत्याचार केल्याप्रकरणी आरोपी विशाल शरद शेळके यास बीड येथील प्रमुख जिल्हा व सत्र न्या. हेमंत एस. महाजन यांनी आरोपीस दोषी ठरवून दहा वर्ष सक्षम कारावासाची शिक्षा आणि 20 हजार रुपये दंडाची शिक्षा ठोठावली. दंड न भरल्यास एक वर्षाच्या कारावासाची शिक्षा सुनावली. विशेष बाब म्हणजे या प्रकरणात अल्पवयीन फिर्यादी फितूर झाली होती तरी सुद्धा न्यायालयासमोर सहायक सरकारी वकील मंजुषा एम. दराडे यांनी केलेला सक्षम पुराव्याच्या आधारे केलेला युक्तीवाद ग्राह्य धरुन आरोपीस शिक्षा देण्यात आली.

या प्रकरणाची अधिक माहिती अशी की सदरील पिडीत अल्पवयीन मुलगी ही तिच्या राहत्या घराच्या पाठीमागे माळावरील शेतातील आढ्यामधुन परत येत असतांना आरोपी विशाल शरद शेळके याने तिला बळजरीने हताला धरुन आडोश्याला नेत जबरदस्तीने लैगिंक अत्याचार केला. त्यानंतर अश्लिल फोटो काढून अल्पवयीन फिर्यादीस लाथाबुक्याने मारहाण करुन तू मला उद्या पुन्हा याच ठिकाणी भेटण्यासाठी ये, आणि तू जर भेटण्यासाठी आली नाही तर तुला जीवे मारुन टाकेन. तसेच आता तुझ्यासोबत घेतलेले आश्लिल फोटो सोशल मिडीयावर व्हायरल करेल, तसेच घडेला प्रकार कोणाला सांगू नको अशी धमकी दिली.परंतू दुसर्‍या दिवशी पिडीत मुलगी आरोपीला भेटण्यास गेली नाही. म्हणून आरोपीने पिडीत मुलीचे आश्लिल फोटो त्याच्या मोबाईल वरील व्हॉटसअ‍ॅप स्टेटसवर ठेवून सोशल मिडीयावर व्हायरल केले. व्यथित झालेल्या अल्पवयीन मुलीने सदरील घटना आपल्या कुटुंबीयांना सांगितली. पिडीत मुलीच्या फिर्यादीवरुन नेकनूर पोलिस स्टेशनला आरोपी विरुद्ध कलम 376 (3), 323, 506 भादंवी कलम 3,4, बालकांचे लैगिंक आपराधापासून संरक्षण अधिनियम सन 2012 कलम 67 (ब) माहिती तंत्रज्ञान अधीनियम सन 2000 प्रमाणे गुन्हा नोंदवण्यात आला. सदर फिर्यादीवरुन तत्कालीन पोलिस निरीक्षक पी. डब्ल्यु. त्रिभुवन त्यांनी या प्रकरणाचा तपास करुन जिल्हा व सत्र न्यायालयात दोषारोपत्र दाखल केले. या प्रकरणाची सुनावणी प्रमुख जिल्हा व सत्र न्या. हेमंत एस. महाजन यांच्या न्यायालयात झाली. सदर आरोपी विरुद्ध गुन्हा सिद्ध करण्यासाठी सरकार पक्षातर्फे आठ साक्षीदार तपासण्यात आले. कोर्टा तर्फे एक साक्षीदार तपासण्यात आला. विशेष बाब म्हणजे या प्रकरणाला कलाटणी मिळून फिर्यादीसह इतर साक्षीदार ऐनवेळी फितूर झाले होते. परंतु सदर प्रकरणात सरकार पक्षाने दाखल केलेले सक्षम पुरावे कागदपत्रांचे अवलोकन करुन सहायक सरकारी वकील अ‍ॅड. सौ. मंजुषा एम. दराडे यांनी सादर केलेला युक्तीवाद न्यायालयाने ग्राह्य धरुन आरोपी विशाल शरद शेळके यास कलम 3,4 (1) पोक्सो कायद्यान्वे दोषी धरुन दहा वर्ष सश्रम कारावास व 20 हजार रुपये दंड तसेच दंड न भरल्यास एक वर्ष सश्रम कारावासाची शिक्षा सुनावली आहे. सदर प्रकरणात सहायक सरकारी वकील अ‍ॅड. मंजुषा एम. दराडे यांनी काम पाहिले व त्यांना सहायक सरकारी वकील बी. एस. राख यांनी सहकार्य केले. तसेच पैरवी अधिकारी स.फो. इंगळे, पीएसआय जायभाये, पोहेकॉ सानप व इंगोले, महिला पोलिस नाईक सी.एस. नागरगोजे यांनी सहकार्य केले.