क्रीडा व मनोरंजन

रामायण’ आता मराठीतून येणार प्रेक्षकांच्या भेटीला

मुंबईरामानंद सागरनिर्मित आणि दिग्दर्शित ‘रामायण’ या पौराणिक मालिकेची लोकप्रियता इतक्या वर्षांनंतरही तसूभरही कमी झालेली नाही. महिन्याभरापूर्वी ही मालिका दूरदर्शन वाहिनीवर पुन्हा भेटीस आली आणि तिने लोकप्रियतेचे सगळे उच्चांक मोडीत काढले. आता ही मालिका मराठीतून प्रेक्षकांच्या समोर येणार आहे. 

मूळ रामायण मालिका ही हिंदीमध्ये चित्रित करण्यात आली होती. रामानंद सागर यांनी मालिकेचे मराठी भाषेत डबिंग करून ठेवले होते. परंतु, तेव्हा ती मराठीतून कोणत्याही वाहिनीवर प्रसारित झाली नव्हती. आता बऱ्याच वर्षांनंतर पहिल्यांदाच मराठीतून ‘रामायण’ ही मालिका प्रक्षेपित होणार आहे. स्टार प्रवाह वाहिनीवर येत्या १ जूनपासून रात्री ९ वाजता ही मालिका प्रेक्षकांच्या भेटीस येणार असल्याची माहिती वाहिनीचे प्रोग्रामिंग हेड सतीश राजवाडे यांनी दिली.

SHARE

Related Articles

Back to top button
Close
Close