देश विदेश

पेट्रोलवर प्रतिलिटर 10 रुपये तर डिझेलवर 13 रू. उत्पादन शुल्कात वाढ

नवी दिल्ली –– आंतरराष्ट्रीय बाजारात कच्च्या तेलाच्या किंमती घसरल्या असल्या तरी केंद्र सरकारने पेट्रोल आणि डिझेवरील उत्पादन शुल्कात वाढ केली आहे. पेट्रोलवर प्रति लीटर १० रुपये तर डिझेलवर प्रति लीटर १३ रुपयांची वाढ सरकारने केली आहे. ही शुल्कवाढ मध्य रात्रीपासून लागू झाली आहे. 

पेट्रोलवर अतिरिक्त २ रुपये उत्पादन शुल्क आणि ८ रुपये रस्ते कर लावून एकूण १० रुपये प्रति लीटर असे शुल्क वाढवले गेले आहे. तर डिझेलवर अतिरिक्त ५ रुपये उत्पादन शुल्क वाढवले आहे. तर ८ रुपये रस्ते कर लावला आहे, अशी डिझेलवर एकूण १३ रुपये प्रति लीटर शुल्कवाढ केली आहे. मार्चनंतर दुसऱ्यांदा सरकारने ही शुल्कवाढ केली आहे. मार्चमध्ये पेट्रोल आणि डिझेलवर प्रति लीटर ३ रुपयांची शुल्कवाढ करण्यात आली होती. 

सरकारने उत्पादन शुल्क वाढवल्याने पेट्रोल आणि डिझेलचे दर वाढण्याची शक्यता कमी आहे. आंतरराष्ट्रीय दरातील घसरणीमुळे इंधन कंपन्यांनी या वाढलेल्या उत्पादन शुल्काचा भार ग्राहकांवर न टाकण्याचा निर्णय घेतला आहे, अशी माहिती सूत्रांनी दिली. यामुळे पेट्रोल, डिझेलच्या दरात कुठलीही वाढ होणार नाहीए. पेट्रोल, डिझेलवरील उत्पादन शुल्कात वाढ केल्याने त्याचा फायदा केंद्र सरकारला होणार आहे. यातून आलेला महसूल सरकारला पायभूत सुविधांवर खर्च करता येणार आहे.

SHARE

Related Articles

Leave a Reply

Your email address will not be published. Required fields are marked *

Back to top button
Close
Close